|
 Continuamos a xeira de lugares especias da nosa bisbarra abrindo un novo camiño: o das antas. Estas antas representaban os lugares onde só os máis importantes xefes das tribus repousaban logo da morte física. O megalitismo na Costa da Morte é outro dos nosos meirandes tesouros, e como tal habemos coidalo. A Casota de Freáns atópase preto de Berdoias, e pertence á Ruta do Dólmenes que o concello de Vimianzo ten tan ben preparado.
Sen ser a anta máis grande, nin a que está no lugar máis paradisíaco e sen ser a máis importante históricamente, a Casota, coa a súa sinxela forma cuadrada é a favorita do que escribe, pero xa iremos repasando outros monumentos megalíticos da bisbarra para comparar ideas. Esta arca pertence a unha época un pouco máis tempraneira, entre o 2500 e o 2000 a.C., antecedendo a Idade de Bronce. Máis adiante servíu durante moitos anos coma refuxio para pastores. Mantén gravados e covas e cruces. Dende aquí, agardamos que nos cheguen propostas de bonitos recantos da bisbarra ao noso contacto
Este enderezo de correo-e está protexido contra spam bots, necesitas ter o Javascript activado para podelo ver
e así entre todos ir repasando a xeografía da Costa da Morte. Cómo chegar Dende Cee collemos a nacional AC-552 cara Carballo e ao chegar ao cruce de Berdoias collo á dereita. Uns 200 metros logo do cruce hai un desvío cara a dereita pegadiño a unha casa, sinalado pero daquela maneira, co sinal medio desfeito que case non se ve. Continuamos ata unha pista de terra onde convén deixar o coche. Uns 900m máis adiante e logo duns preciosos castiñeiros atopamos a casota. Máis información Outros recunchos da Costa Novas relacionadas Fonte - Redacción de Que pasa na Costa.
|
Semente RSS