A Conselleira de Pesca visitaba Carballo o pasado venres 25 de xaneiro de 2008, máis concretamente visitaba a fábrica de peixes de Isidro de la Cal. Dende as 12 da mañá e até ás 16:30, compoñentes de varias plataformas contra o plano acuícola agardárona na porta "sen a deixar saír".

Quen si saiu da fábrica foi o seu coche, cuio chofer tivo que baixar e abrir portas e maleteiro para demostrar que ía só. Se cadra Toruriño está a falar con Chávez a ver se negocia a liberación.

Fortaleza do XIX afectada en Merexo

O grupo ecoloxista da Ponte do Porto presentou o pasado venres 25 de xaneiro de 2008 unha denuncia ante Patrimonio Cultural da Xunta pola que a suposta granxa que se quere construir en Merexo, Muxía, afectaría a unha fortaleza que data do século XIX, olvidando así a defensa do Patrimonio Histórico.

Os restos de dita fortaleza fican en Merexo a cachos dende os comezos do século XIX cando piratas e armadas de varios países loitaba con España, pouco antes da Guerra da Independencia durante o reinado de Carlo IV.

A asociación conseguíu un plano da ría de Camariñas do 1838, onde vese prefectamente o perfil da fortaleza, que debeu comezar a construirse entre 1801 e o 1808.

Novas relacionadas

• O Plan Acuícola divide a veciños e gobernantes na Costa.
• Merexo ofrece solucións ecolóxicas fronte ao Plan Acuícola.

Fonte

• Nota de prensa da Plataforma pola Defensa do Patrimonio Cultural de Quilmas.
• El Ideal Gallego: Los ecologistas afirman que el plan acuícola de Merexo afectará a una fortaleza del XIX.