A Retranca sacaba o terceiro número especial AVE (AVEr se o vemos chegar). Esta noviña pero interesantísima revista de humor ácido sobre o noso país íntegramente en galego xa está na rúa. E pódese atopar en calquera quiosquiño que se precie. En Corcubión haino, de xeito que se na túa vila non o ten o quiosqueiro, xa lle estás chamando a atención.

Desta volta recuperamos un dos detalles máis cachondos do número 3. O concurso Cuspidiños é un concurso do revés. A partir da caricatura do gañador, os lectores teñen que atopar ao individuo real. Así, hai que atopar ao galardoado do concurso, do que tan só temos a caricatura. Na foto vemos un dos primeiros posibles gañadores, mais aínda se ten que xuntar o comité decisor para aceptar de que o da foto é o mesmo da caricatura.

Novas relacionadas

• A Retranca saca o seu terceiro número.
• A revista Retranca volve á carga co seu número 2.
• A historia de Corcubión en comic I.
• A historia de Corcubión en cómic II.
• A historia de Corcubión en comic III.
• A historia de Corcubión en cómic IV.

Máis información

• Revistaretranca.com.

Fonte

• Redacción.