|
O cumio do concello de Zas vixía todo o concello. É o lugar onde están as antenas de televisón, teléfono, e demais, e onde se vai colocar a da señora TDT, se é verdade que algún chega á bisbarra. Tamén está pensado montar un miradorciño, para podermos sentar mirando a preciosa paisaxe. As aldeas dos arredores fican ben bonitas dende arriba, como Vila Ramilo, que vemos na imaxe primeira. Polo outro lado, as chairas mesturan verdes con verdes, semellando unha agarimosa manta de ganchillo feita pola abuela. Poucos viraventos, gracias a dios, rodean o Pico, de xeito que a vista amplíase a toda a periferia. Persoalmente, podo comentar que me gustou máis que o monte Faro, pero se cadra algo menos que o Facho de Muxía, i é que co mar tan pretiño... dá gusto. 
Como chegar Varios camiños chegan ata a arriba, mais un que preguntou por aí, foi mandado polo camiño máis longo pero o máis seguro de chegar tamén. Así, partimos de Baio, e collemos o seu desvío cara Zas. Pasando Zas, a uns 4 u 5 quilómetros, xusto antes de chegar ao lugar das Travesas, collemos un desvío cara a esquerda dirección Busto. De aí teremos seguir as seguintes indicacións, primeiro cara Santa Xaviña, logo cara Fornos e Vilarqueimado, e por último cara Vila Ramilo, dende onde sae unha pista cara a esquerda moi empinada que sobe ao mirador. Outros recunchos Novas relacionadas Fonte
|
Semente RSS