Cada vez que pasa un temporal por aquí, como se non pasara a miúdo, acaba con todo. Resulta difícil de entender por que as infraestruturas básicas non están preparadas para esta clase de tormentas, nunha zona onde cando pega, pega de verdade.

Desta volta a tormenta deixou ao seu paso varias desfeias. En Zas caía un raio abrindo unha brecha na estrada que une San Martiño e Froxán (xa reparada) deixando sen teléfono aos veciños de Rial de Arriba, San Martiño e Froxán, onde quedaron tamén sen alumado público.

En Corme e Traba, Laxe, a televisión marchou dende as 20:00 do domingo e non voltou ata o luns as 16:00. Por Dumbría o temporal afectou ás casas e O Ézaro quedou nú cando o veto levou os tellados de 3 vivendas. Todo, como se fose a primeira vez que vén unha tormenta.

Novas relacionadas

• 31-01-08: Recuperada a mitade da Fervenza.
• 18-01-08: Mellora o encoro da Fervenza e xa chega ao 33%.

Fonte

• La Voz de Galicia: El temporal dejó a varios lugares de Zas sin teléfono, y a aldeas de Corme y Laxe sin televisión.