Ningunha das institucións, nin a pública nin a privada podíanse salvar da desfeita. Semellaba claro que ambas tiñan parte da culpa ao permitiren o vaciado do encoro da Fervenza naquel tráxico 11 de novembro de 2007, cando morrían millerios de peixes afogados por falta de osíxeno. O xuiz comeza a actuar.

Nada menos que o director xeral de Augas de Galicia, José Luis Romero Valeiras, e outro alto cargo do mesmo organismo, foron chamados a declarar, por non ter controlado os niveis hidráulicos do encoro antes de que chegara a estar por debaixo do 0,4% de capacidade.

Ferroatlántica non salva

O conselleiro delegado da división de enerxía da fábrica de Ferroatlántica, José Luis González-Haba, foi tamén imputado polo Xulgado de Intrución número 2 de Corcubión. Ocorre o mesmo co xefe de explotación , encarrexado da xestión hidráulica do encoro.

Seprona finaliza as investigacións

O Servicio de Protección da Natureza da Garda Civil (Seprona) rematou as súas pesquisas sobre a desfeita ecolóxica. Analizaron a actitude da fábrica con respectoa aos niveis e comprobaronse Augas controlaba ou tiña obrigación de comprobar as accións da empresa de Villar Mir.

Hai que mirar os boletíns

O Seprona baralla unha tese bastante evidente. A Xunta sabía de sobra que o nivel era inusualemente baixo, xa que cada semana publica o boletín hidráulico cos niveis de todos os encoros de Galicia, e que a 5 de novembro de 2007, marcaba un nivel do 1,03%. O boletín do día 12 marcaba 0% pero xa era tarde claro.

En marzo será cando os imputados pasen polo xulgado, e serán os de Ferroatlántica os que poidan sufrir as meirandes consecuencias, xa que son imputados de con responsabilidade directa, mentres que os da Xunta terían carácter "subsidiario". Máis dun opina que todos han levar algo para casa.

Estabilízase o estado do encoro

Entrementres o encoro recupérase. Subía nivel durante o pasado mes de xaneiro como unha moto, mais agora semella que se estanca no 50%. Curioso é o caso do de Santa Uxía do Ézaro, que logo de estar a máis do 95% durante toda a seca agora baixa ao 89%. Disque xa abriron as portas para a produción hidroeléctrica, claro.

Novas relacionadas

• 31-02-08: Recuperada a mitade da Fervenza.
• 14-01-08: O encoro da Fervenza chega case ao 10% logo de máis de 3 meses.
• 31-12-07: A seca unida a incompetencia provocaba a matanza de millerios de peixes.
• 27-12-08: Vídeo da sequía no embalse da Fervenza.
• 24-11-07: Editorial: A desfeita ecolóxica reparte responsabilidades.
• 20-11-07: Non son poucas as voces que piden a retirada da concesión dos encoros a Ferroatlántica.
• 18-11-07: Editorial: Cal é o desenvolvemento que queremos para a nosa bisbarra?.
• 13-11-07: Medio Ambiente descarta a sequía e culpa a Ferroatlántica da morte de milleiros de peixes.
• 12-11-07: Ferroatlántica está a ser investigada pola desfeita ecolóxica.

Fonte

• La Voz de Galicia: El juez imputa al director de Augas de Galicia por el vaciado de Fervenza.
• Augas de Galicia.