Non hai maior reclamo turístico en Laxe que as súas praias. En Laxe boa parte do litoral ten area, e areais para tódolos gustos: urbanas como a de Laxe, para practicar surf e bodi como a de Soesto, caliñas pequenas e alonxadas como a de Arnado, a de Morelo ou a do Castrillón, ou grandes areais coma o de Traba.

Por isto, o Concello sabe da necesidade de potenciar eses tesouros e anda na procura de conseguir os diferentes distintivos de calidade para as principais praias. A finais do pasado xaneiro de 2008, toda a documentación necesaria para que a Praia de laxe conta coa Bandeira Azul por terceiro ano consecutivo. Pero non quedan aía as solicitudes, se non que piden para dita praia a marca Q de calidade turística, que evalúa dende a seguridade ata os accesos. O concello pide que se valore a boa xestión cos servicios que presta a praia (pasarelas, duchas, aseos públicos, ocorristas...) que, amais, se verán incrementados coa implantación de aseos fixos ao longo dos 2 km de praia.

Traba e Soesto

Para as praias de Traba e Soesto, o concello traballa para conseguir dous dos distintivos que certificarán o incríble estado medioambiental no que se atopa a praia. Estes distintivos son os EMAS (Sistema de Autoxestión e Auditoría), que descrebe públicamente o impacto ambiental das actividades que se realizan nos arredores da praia; e a ISO 14001, que asegura o continuo avance no acondicionamento das instalacións e do estado das praias.

Museo do Mar

Os responsables do Concello de Laxe traballan na actualidade na elaboración das bases polas que se rexerá o concurso para a musealización do futuro Museo do Mar de Laxe.

Os traballos de rehabilitación da antiga casa cuartel previsiblemente estarán acabados antes de outubro, polo que a intención do concello é iniciar este mesmo mes o proceso para darlle un uso definitivo e permitir que poida abrir as súas portas a maior brevidade posible.

Esta parte do proxecto disporá dun orzamento de 284.000 euros e deberá incluír tanto a distribución dos espazos como a elección dos obxectos que os van ocupar.

O Concello aínda non decidiu o modelo de xestión polo que se rexerá o Museo do mar, pero a súa intención é que goce de autonomía, polo que se podería optar por un padroado ou fundación, pero iso aínda está pendente.

Novas relacionadas

• O alcalde de Laxe considera que a declaración de Concello Turístico é beneficiosa "para todos".

Fonte

• Nota de prensa do Concello de Laxe.