Damos un paseo, unha semana máis polas fervenzas da bisbarra. E hai dabondo. O problema é que a maioría nin as coñecemos, mesmo nin as coñecen os propios veciños, como ocorría a semana pasada en Hospital, que cando lle ensinamos as fotos a unhas señoras do lugar, non o crían. 28 anos aquí e non baixamos nunca, recoñecían as señoras.

E este problema é coma se tivéramos tesouros agochados, que ninguén sabe onde están e ninguén lle saca proveito. Esta semana, un coñecido cercano achegóume ao concello de Mazaricos, aló, preto da parroquia de Arcos para descubrir un lugar onde el coa súa familia vai tódolos veráns a pasalas tardes soleadas. Un sitio espectacular, con ochas que semellan calaveras, cunhas caídas ben grandes e gordas, con saltos de ata 10 metros e cunhas pozas e jacuzzis naturais que berran tírate, tírate!.

Como chegar

Curiosamente o camiño estaba máis ou menos preparado. Semella que había pouco alguén pasara a segadora por aí porque as cábalas do compañeiro apuntaban a que teríamos que introducirnos na selva máis profunda. Nada máis lonxe da realidade e partindo dunha depuradora que hai antes de chegar á parroquia e Arcos vindo dende O Ézaro, hai un caminiño que nos leva directamente á fervenza a tan só 100 metros.

Para chegar á depuradora, partimos dende O Ézaro. Temos que subir ata o mirador no desvío que hai na ponte do lado de Cee. Arriba, ao chegar ao mirador seguimos tirando cara o encoro de Santa Uxía do Ézaro, que habemos de atravesar logo de coller un desvio cara a dereita que baixa ao mesmo encoro. Atravesámolo e subindo deixamos o Pindo a man dereita (hai unha subida ben bonita ao Pindo dende este franco). Atravesamos o lugar de Fieiro e logo collemos nun momento que a vía se bifurca cara abaixo esquerda (pola dereita vas dar a Reboredo). Baixas e baixas e deixas Nouveira, e chegas a unha ponte onde remata o encoro e o río Arcos, afluinte do Xallas. Subes 100 metros e xa atopas a depuradora a man dereita. Aparcas e a disfrutar da natureza.

Outros recunchos

• O Recuncho da Costa (XVII): As fervenzas de Hospital.
• O recuncho da Costa (XVI): O Pico de Meda de Zas.
• O recuncho da Costa (XV): O monte Faro.
• O recuncho da Costa (XIV): O río Anllóns no lugar de Verdes.
• O recuncho da Costa (XIII): As Pedras da Punta da Barca.
• O recuncho da Costa (XII): A antiga baleeira de Caneliñas.
• O recuncho da Costa (XI): O área recreativa de Toba.
• O recuncho da Costa (X): O Castro da Cidá de Borneiro.
• O recuncho da Costa (IX): O Bico do Santo.
• O Recuncho da Costa (VIII): As fervenzas de Pedrafigueira.
• O recuncho da Costa (VII): A Casota de Freáns.
• O recuncho da Costa (VI): Os penedos de Traba e Pasarela.
• O recuncho da Costa (V): A fervenza do Ézaro.
• O recuncho da Costa (IV): O Monte Facho.
• O recuncho da Costa (III): As praias do Trece e o Monte Branco.
• O recuncho da Costa (II): As fervenzas de Trasufre.
• O recuncho da Costa (I): Corcubión.

Novas relacionadas

• O garañón da Costa da Morte.
• Vídeo da Fauna salvaxe da Costa da Morte.
• "Muxía... Que bonita! (I)" e Muxía... Que bonita! (II)".
• Vídeo de Muxía... Que bonita!(III).
• Salvemos ao burro galego.
• Excursión pola Ruta das Antas.
• Visita aos Batáns do Mosquetín.

Fonte

• Fotografia de Jesús Ángel Vázquez García.