Esta semana achegámonos ao concello de Ponteceso, máis concretamente a activa vila de Corme. E por certo, que bonito é chegar dende Baio e ver a ensenada de Ponteceso, con ese monte de area entre mar e mar. pero centrémonos en Corme.

Trátase dunha pequena vila de 1.000 habitantes, na que hai 11 bares, e xa pasaron os mellores tempos, que din por aí. Dando unha volta polo porto podemos ver grafitis que realizaron os rapaces de Dios que te crew, e se miramos do outro lado do dique, podemos ver as pintadas dun rapaz da vila. Pero a parte que máis me gustou foi a zona do Osmo.

A pequena praia do Osmo que tiña unha antiga fábrica de salazón detrás, agora casa particular en primeirísima liña, da paso ao preciosa Furna do Osmo, un lugar máxico. Alí, cada ano, Suso Lista e os seus compinches organizan unha noite especial, A Noite dos Encantos, na que contando coas mareas o arela convírtese en sala de concertos. Xa teñen pasado por aí varios grandes do país, como Toñito de Poi, Emilio Cao ou as Gharotas de Ribeira e seguirán pasando se os Encantos, eses seres altos que saen ao mundo exterior polas noites polo lugar do Osmo a nos quitaren o espirito, o permiten.

Enfronte da furna están as Illas Estrella, que teñen cromlechs amais dunha historia ben longa . Dende os tempos de Mourelle (pasen pola páxina Corme.net e busquen na sección de "Persoeiros Ilustres"), gran historiador e descubridor cormelán contemporáneo de James Cook, a illa foi utilizada como zona de defenesa e foron encontrados restos de cañóns e damis art¡iluxios de defensa.

Como chegar

Chegar a Corme é fácil, sempre en dirección Ponteceso (dende Carballo ou Baio ou varios desvíos entre medias) e unha vez chegado á vila, hai que pasar a ponte do río e coller o desvío á esquerda que está xusto despois. ( quilómetros despois estamos en Corme. Aparcamos onde poidamos, pero ollo porque non hai lei, e éche o mesmo que hai liña continua e non caiba dous coches, que a xente aparca no medio e medio sen problemas. A furna queda da parte máis ao sur da vila, chegando abaixo á esquerda, vaia. Non hai perda, e se non xa saben, paran nun bar a tomarlle unha e preguntan.

Outros recunchos

• O recuncho da Costa (XIX): A Devesa de Santa Leocadia.
• O Recuncho da Costa (XVII): As fervenzas de Hospital.
• O recuncho da Costa (XVI): O Pico de Meda de Zas.
• O recuncho da Costa (XV): O monte Faro.
• O recuncho da Costa (XIV): O río Anllóns no lugar de Verdes.
• O recuncho da Costa (XIII): As Pedras da Punta da Barca.
• O recuncho da Costa (XII): A antiga baleeira de Caneliñas.
• O recuncho da Costa (XI): O área recreativa de Toba.
• O recuncho da Costa (X): O Castro da Cidá de Borneiro.
• O recuncho da Costa (IX): O Bico do Santo.
• O Recuncho da Costa (VIII): As fervenzas de Pedrafigueira.
• O recuncho da Costa (VII): A Casota de Freáns.
• O recuncho da Costa (VI): Os penedos de Traba e Pasarela.
• O recuncho da Costa (V): A fervenza do Ézaro.
• O recuncho da Costa (IV): O Monte Facho.
• O recuncho da Costa (III): As praias do Trece e o Monte Branco.
• O recuncho da Costa (II): As fervenzas de Trasufre.
• O recuncho da Costa (I): Corcubión.

Novas relacionadas

• O garañón da Costa da Morte.
• Vídeo da Fauna salvaxe da Costa da Morte.
• "Muxía... Que bonita! (I)" e "Muxía... Que bonita! (II)".
• Vídeo de Muxía... Que bonita!(III).
• Salvemos ao burro galego.
• Excursión pola Ruta das Antas.
• Visita aos Batáns do Mosquetín.

Fonte

• Redacción.