Se onte descobríamos que o Colonial Café de Cee prepara un certame literario, máis concretamente o III Concurso Literario Colonial Café de Poesía e Relato Curto que ten o prazo de presentación aberto ata o 30 de marzo, hoxe recibimos unha nota de prensa do Concello de Fisterra, que presenta unha inciativa semellante.

O I Certame de Relato Corto e Poesía, que se celebrará co gallo do día das “Letras Galegas 2008”. A data límite para presentarse é o 9 de maio, e o veredito darase, como non, o 17 dese mes. O tema é libre e haberá premios de ata 200 euros.

Bases do Certame

• 1.- O certame establece dúas modalidades, unha de Relato Corto e outra de Poesía, nas que poderán participar todos fisterráns con idades comprendidas entre 13 e 18 anos formando unha categoría e os de entre 19 a 35 anos formando outra.
• 2..- Cada autor deberá presentar a súa obra en galego e por duplicado, firmada e con pseudónimo. Xuntará en sobre pechado os seus datos persoais (nome, apelidos, D.N.I. e teléfono de contacto).
• 3.- A extensión dos relatos non excederá das oito páxinas e os poemas serán de 60 versos como máximo.
• 4.- A temática é Libre.
• 5.- Premios: Entregarase un Primeiro Premio en cada modalidade e en cada categoría quedando establecido da seguinte maneira.
  - Modalidade Relato Corto: Primeiro Premio dotado con 100 euros para o gañador da categoría de entre 13 e 18 anos e diploma acreditativo.
  - Primeiro Premio dotado con 200 euros para o gañador da categoría de entre 19 a 35 anos e diploma acreditativo.
  - Modalidade Poesía: Primeiro Premio dotado con 100 euros para o gañador da categoría de entre 13 e 18 anos e diploma acreditativo.
  - Primeiro Premio dotado con 200 euros para o gañador da categoría de entre 19 a 35 anos e diploma acreditativo.
  - A entrega de Premios celebrarase nun acto previsto para todo aquel que desexe asistir o 17 de Maio do presente ano ás 20:00h no salón de sesións do Concello de Fisterra.
• 6.- O xurado será designado libremente polo Concello de Fisterra e estará composto por representantes do mundo da literatura e da cultura en xeral.
• 7.- O dictame do xurado será inapelable.
• 8.- Unha copia das obras quedará nos arquivos do Concello e a outra será devolta ao seu autor.
• 9. Os escritos presentaranse antes do 9 de Maio no departamento de Cultura do Concello de Fisterra en horario de 9:00h a 14:00h.

A conto de todo de isto, pero sen tampouco nacer por mór delo, esta fin de semana inauguramos unha nova sección que tentará contar coa vosa axuda. Unha nova sección onde os protagonistas seredes vós, de xeito que podedes enviar o que vos apeteza. Unha foto, un conto, un poema, un vídeo, unha mistura con todo... calquera cousa que se vos ocorra, que teña sempre o vínculo que a todos nos une, esta a nosa Costa da Morte. Sorte e a escibir.

Novas relacionadas

• O Colonial Café organiza un certame literario.

Fonte

• Nota de prensa do Concello de Fisterra.