A Asociación Galega de Fotógrafos de Natureza (FASGANA) realizará este sábado 8 de marzo o 2º Rally Fotográfico Costa da Morte cun programa ben interesante.

Programa do Rally

• 9:30h Concentración no Carrefour de Coristanco.
• 11:00h a 14:00h Comenzaremos o Rally retratando no porto de Quilmas: lanchas en ruinas, artes de pesca, e as impresionantes vistas, tanto das illas Lobeiras como dos Carrumeiros, e incluso o pobo e o faro de Fisterra.
• 14:30h-16:30h Comida no restaurante Insua de Cee.
• 17:00h Subida ao monte Pindo, pola parte de Quilmas para fotografíar as formacións rocosas.
• 19:00h Fotografía da por do sol dende a montaña: o sol poñéndose sobre a península de Fisterra.
• 20:30h regreso.

Xa teñen confirmada a súa asistencia varias ducias de fotógrafos da natureza de toda Galicia, como o noso compañeiro Marcos Rodríguez. O que non sabemos é se un se pode apuntar a disfrutar e aprender con eles.

Excursión de Adega e da Plataforma ás Lobeiras

A Plataforma pola Defensa Cultural de Quilmas e de Adega están a organizar unha excursión ás illas para o vindeiro 20 de marzo de 2008. As prazas son limitadas xa que a illas non dá para máis. Sairá da Fonte de Quilmas ás 11:30 e varios veciños da zona levarán aos apuntados en varias lanchiñas. É preciso levar a comida.

Novas relacionadas

• Repasando o proxecto da piscifactoría de Quilmas.
• Volve o raposo das Lobeiras.

Fonte

• Marcos Rodríguez.