Xa se sabe que unha foto de seguro di moito máis que todo o que poidamos denunciar coas teclas. Deste xeito Greenpeace realiza unha petición a os que querian protestar e que manden as súas fotos-denuncia. Para enviar a foto, xa sabedes que aquí tamén, visitade Greenpeace.org e só hai que seguir os pasos. Nós xa mandamos unha, que non é necesario ser un profesional para sacar unha fotiño que berre ben.

Escrito de Greenpeace

Convencidos de que a presión pública é un dos mecanismos máis efectivos para producir os cambios necesarios para a mellor protección do noso planeta, desenvolvemos unha nova ferramenta para a participación cidadá na defensa do medio ambiente.

Queremos implicar a toda a cidadanía para frear a crecente degradación do medioambiente do planeta. Todos somos testemuñas das constantes violacións ambientais que se producen, a diario, ao noso ao redor.

A través deste mecanismo, daremos publicidade aos teus testemuños fotográficos, creando así máis presión social na defensa do medioambiente e divulgando as deficitarias situacións nas que se desenvolven numerosas actividades humanas hoxe en día.

O noso obxectivo non é outro que sensibilizar á poboación sobre a realidade ambiental, achegando datos concretos. Unha vía directa e efectiva de pór o teu granito de area pola defensa do noso planeta.

Presentación

Na Coruña xa foi presentada a iniciativa o pasado venres, e en Vigo terá lugar o vindeiro venres 14 de Marzo de 19:00h a 21:00h na Asociación de Veciños Eduardo Chao, Praza da Princesa nº7-Andar 2.

Máis información

• Greenpeace.org: Fotodenuncia.
• Grupo Local de Voluntariado de Greenpeace en Pontevedra: Este enderezo de correo-e está protexido contra spam bots, necesitas ter o Javascript activado para podelo ver ;
• Grupo Local de Voluntariado de Greenpeace en A Coruña: Este enderezo de correo-e está protexido contra spam bots, necesitas ter o Javascript activado para podelo ver .

Fonte

• Nota de prensa de Greenpeace Galicia.
• Blog de Greepeace en España.