Dende aquel fatídico 10 de novembro, cando máis de 1.500 peixes morreron afogados no encoro da Fervenza, as responsabilidades vanse depurando. 2 altos cargos de Augas de Galicia e mais 2 de Ferroatlántica, xa foron imputados pola xustiza española.

O grupo ecoloxista PX xa denunciara os feitos ante o Valedor do Pobo, da man de Rafael Lema. Tamñen o fixo coa Comisión Europea, que por febreiro aceptaba a denuncia e se puña mans á obra co asunto.

O pasado martes 11 de marzo de 2008, o comisario europeo de Medio Ambiente, Stravos Dimas, solicitaba ao goberno español información sobre o cumprimento da normativa ambiental. A Comisión semella non estar interesada en estudiar a actuación da concesionaria Ferroatlántica, senón que máis ben os tiros apuntan a Augas de Galicia. Deste xeito, as actuacións da Xunta serán por fin analizadas por un organismo exterior, mentres a señora Ferroatlánica seguirá sendo estduiada pola xustiza estatal. Un pouco para todos, que ben o merecen.

Estado actual do encoro

Dende aquela, e tras o outono máis seco dos últimos 50 anos, e un inverno que tampouco está moi mollado, o encoro non sobe. Así, o da Fervenza está a 10 de marzo de 2008 ao 30% da súa capacidade, mentres o de Santa Uxía ao 88%, coa produción hidroeléctrica a toda pastilla. Supoñemos que será para o importantísimo museo da electricidade ese, claro.

Novas relacionadas

• 12-11-07: Ferroatlántica está a ser investigada pola desfeita ecolóxica.
• 21-11-07: O alcalde de Mazaricos propón que Ferroatlántica reinvirta o 10% do que produce electricamente.
• 27-11-07: O grupo ecoloxista PX pide responsabilidades ao Valedor do Pobo.
• 31-12-07: Editorial fin de ano: A seca unida a incompetencia provocaba a matanza de millerios de peixes.
• 07-02-08: O caso da Fervenza xa ten responsables.
• 09-02-08: A Comisión Europea acepta a denuncia de PX polo desastre da Fervenza.

Fonte

• Agroprofesional.com: La CE estudiará si España vulneró la directiva marco de Aguas en el embalse de A Fervenza.
• Augas de Galicia.