Contábanos onte Daniel Vázquez Caamaño varias historias sobre o monte Pindo, sobre a lenda do castelo de Peñafiel e sobre as escrituras medievais da zona. Pois a zona tamén foi explorada o pasado xoves 20 de marzo de 2008 pola Plataforma pola Defensa do Patrimonio Cultural de Quilmas. A xornada contaba de inicio cunha encantadora excurión ás Illas Lobeiras, pero o vento e a oleaxe provocaron que se desestimase a opción e as case 50 persoas que alí estaban realizaron un percorrido polo Pindo. Xosé Manuel Casais, voceiro da Plataforma enviábanos este par de lindas fotos do roteiro cara o Pedrullo.

Cooperativa de agricultura ecolóxica

Falabamos tamén con el e nos contaba que a Comunidade de Bens que está a realizar a Plataforma co gallo da fundación dunha cooperativa de agricultura ecolóxica vai por moi bo camiño.

Congreso en Monforte

A propósito da agricultura ecolóxica, durante os días 2, 3, e 4 de maio de 2008 celebrarase o II Congreso de Agroecoloxía e Agricultura Ecolóxica en Galiza. Será en Monforte de Lemos e está organizada pola Universidade de Vigo con diversas estamentos colaboradores. A organización mesmo da axudas para o aloxamento, no que será unha nova xuntanzo de todo o roxagro galego, como ocorrera o ano pasado na primeira edición do congreso celebrada no campus de Lugo.

Novas relacionadas

• A Costa é túa: Coñecendo as lendas históricas do Monte Pindo.
• Quilmas tamén aposta pola agricultura ecolóxica.

Fonte

• Universidade de Vigo: II CONGRESO DE AGROECOLOXÍA E AGRICULTURA ECOLÓXICA EN GALIZA.