Seguimos de colleita. Os debuxos de Sechu Sende, activa figura do panorama cultural galego actual, sempre tan actuais nesta sociedade. Un Sechu Sende bastante polivalente. Mais de entre todas as súas actividades como dinamizador lingüístico, axitador social, chamounos tamén a atención a súa capacidade de transmitir a través dos seus debuxos. Podémolos atopar no seu blogalego da Blogoteca (lembren, cando queiran montar un blog, non necesitan ir buscar ao señor wordpress ou blospot, que xa temos un de produción propia), Made in Galiza.

Esta semana recollemos un debuxo significativo. A reivindicación de Galicia como zona libre de tranxénicos xa está no aire dende hai tempo e volve agora á palestra co gallo da nova plantación de tranxénicos en Arteixo da man da multinacional Monsanto. Aquí queda este "ourizhome libre de tranxénicos".

Debuxos anteriores

• Os debuxos de Sechu: O Jabalí ceivo.
• Os debuxos de Sechu: O poldro eólico.

Fonte e máis información

• Blog de Sechu Sende Made in Galiza.
• El País: Monsanto vuelve a cultivar transgénicos en Galicia.