|
Continuamos colleitando fervenzas. A fervenza da Poza da Forca, na paroquia de Rioboo, no concello de Cabana de Bergantiños é un salto de 5 metros que salva o río Garguiña ou Baiabosa, afluente do Cundíns que á súa vez desemboca no Anllóns, que remata na ría de Ponteceso. O lugar é encantador, como todos os que rodean estes accidentes, cuns carballos e uns fietios do máis bucólico. O río salta un desnivel en xistos, e está rodeado dun pequeno bosque de ribeira ben conservado, que ao tempo está inmerso nun mar de eucaliptos.  
Como chegar Subindo pola AC-550, a estrada Fisterra-Carballo, antes de chegar á Augalada, nunha suave costa arriba entre un bosque de eucaliptos, hai que coller un desvío cara Ponteceso á esquerda. Ao chegar á Mata, hai que coller un desvío cara á esquerda dirección Folgoso e Igrexa de San Brais. En Folgoso xa non hai sinal e hai que ter coidado. Ao chegar a unha casa rosa, hai que coller á dereita e tirar polo medio da aldea ata chegar á igrexa. Unha vez na igrexa, deixamos o vehículo e volvemos para atrás. Da pista saen cara esquerda 3 camiños. O último (o primeiro que se vé ao chegar), de terra, non é. Hai que coller o camiño do medio, que baixa (importante) entre varias hortas para entrar aos 100 metros nun bosque de colitros. Seguimos baixando ata chegar a un cruce que collemos á esquerda xa guiados polo son da fervenza, e logo dunn minutos xa chegamos ao lugar. Agardemos que estas pistas axuden a chegar rápido porque nós, gracias as boas indicacións tanto nas estradas como no monte, antes de atopar a fervenza equivocámonos 4 ou 5 veces. Outros recunchos Vídeos de Francisco Santiago lópez Outros vídeos Fonte
|
Semente RSS