Esta semana a bitácora chega dende as praias da Costa. Por aí andan un grupo de rapaces da bisbarra que van na procura das olas faga o tempo que faga. Entre eles, atopamos a Rubén, un mozo de Cee, que coida desta bitácora Surf na Costa da Morte que cada día conta con máis visitas e con máis contidos. Entre eles, podemos seguir as reflexións do propio Rubén e as dos compañeiros do Clube de Surf Os Tombos, que non todo pode ser surf.

Precisamente, os rapaces do colectivo, que tamén teñen unha bitácora (clubsurfostombos.blogspot.com), conta cuns 30 socios, está a punto de convertirse definitivamente en parte da Federación Galega de Surf, en tanto que xa son unha asociación en toda regra para a Xunta. Os rapaces organizan, ademais de saídas de praia a praia, xornadas de coidado do medio ambiente. Sen ir máis lonxe, esta semana pecharán a data da II Limpeza de Nemiña, que problablemente será o sábado 3 de maio de 2008.

Nemiña o pasado 2 de febreiro de 2008, cando os rapaces sacaron ata 60 quilos de lixo, entre plásticos e chapapote. Que aínda hai e moito. As "galletiñas" son interminables, pódense limpar unha e outra vez pero sempre hai, como comentaba Rubén este pasado venres na Radio Neria, no programa Neria Deportiva dos venres ás 16:00. O que máis dole e ver que a maioría dos plásticos veñen do mar, sinala Rubén. As xornadas valen ademais para pasar un día de praia nun ambiente encantador. En unha hora e media deixamos limpa a praia de Nemiña, que non quedaba e logo todo o día de churrascada, que do que se trata é de pasalo ben.

Pouco a pouco, a a pandilliña dos Tombos vai crecendo, e cada fin de semana uns 10 os que se soen xuntar, xa sen necesidade de usar o teléfono, xa que todos coñecen onde vai estar a mellor ola. Nemiña, Mar do Rostro e Mar de Fóra, están entre as súas favoritas, pero en Estorde pode haber máis mar algunha vez, segundo de onde veña o mar de fondo. É en inverno cando hai mar, con olas de 2 ou 3 metros, e no verán estamos a velas vir e en canto vés unha que se levanta de 3 palmos, xa nos lanzamos ao auga. De cando en vez, xa sexa verán ou inverno, un novo compoñente súmase á pandilliña Costa da Morte recibe a visita de André, un rapaz alemán de uns 8 anos, que colle a súa táboa e se mete só no avión ata a praia. Viu unha vez con nós, e quedou tan enganchado logo de coller un par de olas, que volve cada pouco, conta Rubén.

Bitácoras anteriores

• A bitácora da semana (III): Ouesaro, paranoias dun día normal.
• A bitácora da semana (II): O espacio emocional e literario de Suso Lista, o percebeiro do Roncudo.
• A bitácora da semana: Amis95.

Fonte

• Surf na Costa da Morte.
• Club de Surf Os Tombos.

Ligazóns interesantes

• Ézaro en fotos.
• Maruxía norte.com.
• Surf.fiestras.com.