|
O saneamento da ría de Camariñas ten, cando menos, presuposto aprobado. Así o anunciaba a Consellería de Medio Ambiente, que adxudicou as obras para a construción dunha nova depuradora de augas residuais na Ponte do Porto, ademais dos traballos na rede de sumidoiros e colectores xerais. Un total de case que 6,5 millóns de euros para unhas obras cun prazo de 12 meses que levará a cabo a empresa compostelana Espina y Delfín. A depuradora terá capacidade para dar servizo a 5.000 veciños, de xeito que ademais da Ponte, os veciños vimiancese do Cereixo e do Carnés poderán utilizar a nova rede. Con estas obras péchanse os traballos de saneamento da ría de Camariñas, xa queu na capital están en plena efervescencia a canalización. A ubicación da planta depuradora EDAR non ten aínda ubicación final, ao igual que a de Malpica. Mundo virtual camariñán A rede móvese, e de que xeito por Camariñas. Sen dúbida o concello con máis vida subacuática. As dúas webs máis activas do concello veñen de anunciar unha nova inciativa. Camarinas.eu presenta o seu InmoCamarinas.eu, e o Diario Camariñán a súa "Tenda virtual". Ambos no mesmo sentido, co gallo de axudar a xente a promocionar produtos que se queiran vender ou mercar. Aí quedan as propostas. Lembramos tamén un par de detalles, neste caso, da web Camarinas.eu. O seu directo r vén de publicar un par de reportaxes ben interesantes. Un mostra as perigosas xornadas laborais dos Percebeiros de Camariñas coas imaxes máis impactantes do día a día dun traballador das rochas. A segunda reportaxe é unha Singladura Fluvial ata a Ponte do Porto, unha viaxe en barca dende Camariñas todo pola ría ata a Ponte do Porto. Ben bonito e refrescante paseo, a verdade. Fonte
|
Semente RSS