Todo transcurriu sen sorpresas no pleno de Corcubión e Chisco, candidato polo PSdG-PSOE, convertíuse no novo alcalde do concello. Ás 20.15 comezou a primeira orde do pleno, cando tomou posesión Xosé Ansede como novo concelleiro do BNG, substituindo a Rafael Mouzo. Unha media hora despois, deu comezo a votación para o novo alcalde, e aquí acaeceu a primeira nota xocosa da noite: o bastón de alcalde non aparecía e o traspaso de poderes fíxose sen él.

A segunda nota de humor da xornada tivo lugar cando os distintos grupos votaron polo seu propio candidato. Primeiro foi o PSOE e logo o BNG. Neste punto, foi o novo concelleiro, Pepe, convertido en Presidente provisional por ser a persoa de máis idade entre os presentes, que esqueceu de preguntarlle a Genma polo seu voto. Subsanado este 'lapsus', a popular tamén se votou así mesma, non renovando, como apuntara, o pacto co novo Grupo Municipal do Bloque Nacionalista Galego, e dando a alcaldía ao PSdG-PSOE, Francisco Lema, Chisco, que contaba con 12 votos máis das últimas municipais.

A asistencia de público foi notable, con moita xente da vila e numerosos persoeiros da vida política da bisbarra. Amancia Trillo, Pichurri ou mesmo a deputada Marisol soneira fixeron acto de presencia.

Francisco Lema, Chisco, leu un breve discurso que lle costou terminar, pois ao chegar a parte onde falou da súa familia empezou a emocionarse, especialmente ao lembrar ao seu pai. Tamén tivo un recordo para a memoria de Salvador.

Fonte

• Redacción.
• Fotografía de Pablo Javier Damonte.