A Radio Neria, a radio municipal de Corcubión, segue nas ondas pase o que pase no concello. Malia que o goberno saínte foi o que puxo en marcha de novo esta bonita iniciativa, o entrante de seguro que non fará outra cousa que apoiala.

Ao longo desta semana pasou polas ondas da Radio Neria un persoeiro, que se ben non é da Costa, nas casas de milleiros de veciños da zona, é máis ca un familiar. Xosé Ramón Gayoso, falou para a Costa dende a sede da TVG en San Marcos, ata onde se desprazaba o corresponsal en Compostela, Adrián Leira. Dende alí, e nas ondas do programa Matinal da Costa que dirixe Juanma Buitutón, falaba este pasado mércores o presentador do Luar, que hai pouco veíamos coa nosa abuela favorita Maria Amelia.

A entrevista empezou á unha en punto da tarde e ali esperaba Gayoso facendo un esforzo para atender ás preguntas de Adrián, nun momento no que se atopaba preparando o programa do venres. Así empezou entrevista coa petición das 5 palabras máxicas que cada semana engaiolan a medio país. Gayoso non se cortou e regalounos eses Boas noites luareiros e luareiras, que tanto prestan aos maiores da nosa bisbarra.

Gayoso contou un pouco os seus comezos na TVG lembrando que a historia xa a sabe todo o mundo, pedin unha praza para ser asesor xurídico e dixéronme que só quedaba para presentador. E alá fun, contaba tan natural coma sempre. Tamén falou cos colaboradores da radio, os Farruco, Dinio ou Fidel Castro, que personaliza de xeito máis que simpático Juanma Buiturón.

Gayoso despediuse agradencendo o rato agradable que pasou, e na radio quedaron encantados pola súa amabilidade. A entrevista será repetiva de seguro este sábado no programa do Acantilado, o sábado ás 16:00.

Próxima cita

Tamén haberá outra sorpresa este sábado. Aínda non hai nada falado, pero agárdase que o novo alcalde de Corcubión, Francisco Lema, pase esta fin de semana pola pecera da radio municipal para dar as primeiras impresións sobre a semana máis movida en Corcubión dende hai tempo.

Xa saben, O Acantilado cada sábado de 16:00 a 17:00 no 107.8 da FM. "Radio Neria, é un falar".

Novas relacionadas

• María Amelia con Gayoso no Luar.

Fonte

• Nota de prensa do O Acantilado de Radio Neria, por Adrián Leira.