A Unidade Móbil de Inspección Técnica de Maquinaria Agrícola (ITV) trasladarase ao concello de Dumbría para prestar o servicio de Inspección Técnica de VEHÍCULOS AGRÍCOLAS. Todos aqueles que precisen pasarlle ma revisión aos seus tractores e demais, pode achegarse estes días (hoxe, venres 18, o luns 21 e o martes 22 de abril de 2008), a explanada fronte ó Grupo Escolar de Dumbría. O horario é o seguinte:

• MAÑÁ: 9.00 a 13:30h.
• TARDE: 15:30 a 18:00h.

Asignarase día e hora de atención ó público directamente na unidade móbil desde o primeiro día de chegada a Dumbría, pero tamén poden chamar ó teléfono 609 106 723, e solicitar día e hora.

Clases de ioga

Pois si que están en auxe esta clase de actividades. Disque na piscina de Cee, non caben as mulleres no pilates, pero o ioga non queda atrás. E en Dumbría queren practicalo tamén.

Durante os meses de maio e xuño, levaranse a cabo clases de ioga nas parroquias de DUMBRÍA, BERDEOGAS E ÉZARO. Serán clases semanais de unha hora de duración.

As inscricións poden realizarse ata o 29 de abril nas oficinas do concello, tlf. 981744001 ou nas distintas casas de cultura.

Prestación por fillo mesmo a 3 anos

O concello tamén quere informar da prestación de pagamento único por fillo menor de 3 anos, que está a desenvolver a Xunta, por medio da Vicepresidencia da Igualdade e do Benestar. A documentación a presentar antes do 13 de maio de 2008 é a seguinte:

• DNI do solicitante e do seu cónxuxe;
• Libro de familia;
• Certificado de empadroamento da persoa solicitante;
• Cartilla de aforros.

Máis información nos Servizos Sociais do Concello./>p>

Fonte

• Concello de Dumbría.