|
Hoxe amosamos a música dun grupo bastante noviño nado en Vista Alegre, onde nace e morre toda Compostela. Ataque Escampe presenta unha especie de rock de serie B cheo de aridez sonora, cunha voz da man de Alex Charlón, que lembra moito ao gran Josele Santiago, que tantas alegrías nos trouxo por Galicia cos Enemigos. Mostran un ritmosempre bastante suave pero cunhas letras moito máis duras, non hai máis que ver o título do seu 2º disco, Galicia es una mierda. Este disco acaba de saír hai apenas un par de meses, e conta con temas como este Serafín ou o tributo a un home que fixo máis feliz a infancia dunha xeración enteira: Akira Toriyama, creador das grandes "Bolas do Dragón" ou da pequena "Arale", que gracias ao Xabarín Clube puidemos disfrutar na Galicia. Serafín - Ataque Escampe (Videoclip)
Os Roi Vidal Ponte, Marco Gelpi, Samuel Solleiro, Miguel Mosqueira e Alex Charlón presentaban da man da produtora galega A Regueifa o seu primeiro disco no 2006: "Ed Woood e a invasion dos paraugas asasinos", así se chama este divertido e satírico disco, que presenta unha trompetiña que presta moitísimo. Nos dous discos podemos atisbar influencias dende Neil Young até Violent Femmes pasando por Jonathan Richman, sen olvidarnos de grupos españois como os propios Enemigos. Ataque Escampe - Pra che falar de amor (na TVG)
Neste Galicia es una mierda, que a pesar do título, está feito en galego, trata de mostrar precisamente a cantidade de contradicións existentes na Galicia, no mundo e na historia da música. Repasa así dende Manuel Antonio aos Tonechos. Xa saben, poden descarrexar os dous discos no Blog de Ataque Escampe, e sen ningún tipo de remordimento, ademais, que nisto da música dos discos vendidos xa non se vive. Máis información Grupos anteriores Fonte
|
Semente RSS