Seguimos amosando eses debuxos dun dos nosos artistas e activistas favoritos no país, o polivalente Sechu Sende, natural de Padrón, pero que a súa universalidade galega fai que estea de actualidade en cada punto do país. Sempre activo coa súa bitácora MadeinGaliza, (da blogoteca galega, non do blogspot), e estes anda a voltas cos problemas máis actuais do país. Sechu, ademais, gusta dos vídeos do noso Paco, e sempre que hai un novo, coma este do lobo, colócao na súa bitácora.

Estes días anda co mes do libro a voltas e dende o tigre de Blake ata o senhor Nelson están aprendendo a ler. Pero nós quedamonso coa nosa amiga mantis relixiosa, que non para de ler os combativos poemas dun dos nosos favoritos, X. L. Méndez Ferrín. Un Méndez Ferrín, que ademais de seguir na loita, lembramos a súa participación directa no movemento de Nunca Máis, non perde actualidade e mesmo nesta nova ristra de poemas cantados polos nosos mellores artistas. Non hai máis que ver aos Dios ke te Crew ou a Leo i arremecághona!!! con Celso Emilio Ferreiro. Así, os Fusquenlla, aló polos 90 facían un Reclamo á liberdade pro meu pobo do marabilloso e loitador poemario Con pólvora e magnolias en ritmos drum´n´bass.

Mantis Religiosa, X.L. Méndez Ferrín.

Debuxos anteriores

• Os debuxos de Sechu (VI): Sempre en Galiza, Castelao.
• Os debuxos de Sechu (V): O escornabois contra máquina excavadora.
• Os debuxos de Sechu (IV): O cazador cazado.
• O "ourizhome" libre de tranxénicos.
• O Jabalí ceivo.
• O poldro eólico.

Fonte

• Blogoteca Made in Galiza.