As actividades que argalla a Concellería de Cultura, Benestar Social e Emprego de Laxe comprenden varias disciplinas do panorama escénico galego, nunha forma de achegar ós nosos veciños e veciñas as producións culturais actuais de Galicia.

Actividades para os escolares

Como cada ano organízanse dende o servizo de Bibliotecas Municipais de Laxe unhas conferencias para achegar ó alumnado os autores homenaxeados cada ano:

• Xoves 15 11.30 horas, Clodio González Pérez, “Vida e Obra de Xosé Mª Álvarez Blázquez” para rapaces e rapazas da E.S.O.
• Luns 26 15.30 horas, Xan Fernádez , “Lendas da Costa da Morte” para rapaces e rapazas de 5º e 6º de Educación Primaria, cada participante recibirá como agasallo un libro.

Concerto das Letras

Por outra banda, o luns 12 de maio realizaráse o Concerto das Letras, a cargo do Grupo de Metais Santa Cecilia, que realizarán unha sesión didactica para os nenos e nenas de Educación Primaria ás 11:30 horas no Salón de Actos.

II Edición do Teatrapa

Dende a Escola Municipal de Teatro, organízase a II Edición do Teatrapa, Mostra de Teatro Escolar, nas que se inclúen representacións para tódolos niveis educativos, este ano tendo coma invitados os Centros Escolares de Touro, Vedra e Baio.

Prolongarase ó longo do mes de Maio, tódolos mércores no Salón de Actos. Ademáis, nesas datas os alumnos da Escola, actuarán tamén en diferentes Centros Educativos.

Actividades para toda a veciñanza

Festa do Peñón luns 12 de maio: romaría tradicional que se celebra o luns posterior ó Domingo de Pascua de Pentecostés, no alto do Peñón e o merendeiro de Soesto, onde este ano o Concello toma partida , dende diversos Departamentos: Xuventude, Turismo e Cultura para ofertar actividades, que axuden a facer deste día unha Gran Festa Veciñal. As actividades serán:

• Actuación do “Cego dos Monifates”, cantares de cego tradicional con monicreques, música en directo e moito, moito humor.
• Xogos tradicionais para grandes e pequenos.

Novas relacionadas

• Laxe teatreiro .

Fonte

• Nota de prensa da Concellería de Cultura, Benestar Social e Emprego do Concello de Laxe.