O colectivo “Amigos dos Penedos” trata de coidar ese marabilloso enclave que son os penedos de Traba e Pasarela, situados a cabalo entre os concellos de Vimianzo e Laxe. Este colectivo quere preservar a beleza de tan incomparble paraxe mediante a calificación da zona como Reserva Xeolóxica da Costa da Morte, entrando ao tempo na Rede Europea de Xeoparques.

Para isto terán que loitar contra as intencións da empresa Extracción y Transformación de Granito S.L., que xa intentara mercar ao veciños aló por novembro do 2007. A mina a ceo aberto que quere construir a empresa conta con varias alegacións, entre as que figuran a do BNG, a da asociación Adiante Soneira, a da asociación ecoloxista PX e a da propia plataforma de veciños de Pasarela.

Actividades contra a canteira

A inciactiva de Amigos dos penedos pasa por fomentar as actividades arredor do conxunto xeolóxico, facendo que pase a formar parte da vida dos habitantes da bisbarra e que entre nos planes turísticos dos visitantes. As escolas da bisbarra ben poderían tamén organizar excursións para os rapaces, que de seguro terían un pouco de curiosidade polos devires xeolóxicos (ou místicos) que deixan unha zona con este aspecto. 

Novas relacionadas

• Os penedos de Traba e Pasarela.
• A canteira de Pasarela tenta mercar aos veciños.
• A canteira dos Penedos de Pasarela no punto de mira.

Máis información

• European Geoparks.

Fonte

• La Voz de Galicia: Os Amigos dous Penedos pretenden crear unha reserva xeolóxica na zona.