A Escola de Vela Cataventos, situada no peirao de Corcubión, está conseguindo pouco a pouco involucrar ás escolas e aos concellos da bisbarra para que os rapaces poidan aprender e practicar un deporte ao aire libre nun marco inigualable, como son a ría de Corcubión ou a de Camariñas.

Onte, martes 6 de maio de 2008, 15 rapaces do Manuela Rial disfrutaban do seu Bautismo de mar, isto é, a primeira vez que te botas ao mar. De seguro que hai máis dun pai que aínda non está bautizado, pero gracias a boa labor de Noemí e dos seus compañeiros da Escola, están a conseguir que os cativos poidar entrar na diócese do mar.

"O mar na escola"

Cataventos saca á mar a uns cantos rapaces do colexio da Ponte do Porto cada sábado. Coa colaboración do concello de Camariñas e da empresa Cerdeimar, están realizando unha actividade chamada "O mar na escola", que ofrece a posibilidade de aprender de disfrutar do mar e da vela.

Os concellos están directamente implicados no desenvovemento e na promoción destes deportes, xa que, malia que hai grupos de escolares nos que cada familia paga o seu, como no Manuela Rial, outros piden unha pequena sobvención municipal para sufragar gastos. Os alumnos de 5º e 6º da ESO 1º e 2º de Bacharelato do Fernando Blando de Cee, que tamén teñen saídas dos seus alumnos durante os meses de marzo, abril e maio.

Algún outro colexio, como o Praia de Quenxe, agarda da colaboración do concello para facer realidade a ilusión de moitos rapaces. Sen embargo, outros centros non se mostran interesados nestes proxectos, como son os Eugenio López e Agra Raíces. Se cadra, un empurronciño do concello podería axudar.

O mar como medio de disfrute

Estamos acostumados a ver o mar como un medio de traballo. Norml nunha bisbarra onde a pesca e o marisqueo foron toda a vida a meirande fonte de traballo e alimentación. Así e todo, o mar é moito máis que una oficina. Normal é ver a oficina como o teu lugar de traballo, pero o mar, non pode quedar niso.

Para recuperar ese valor de disfrute, ataventos ofrece varias alternativas diferentes: que se participar na escola de vela durante todo o ano, como fan uns 11 rapaces (no inverno non se nos resfrían, señoras!), ou ben alugar un kaiak ou un pequeno veleiro cando apeteza para dar unha voltiña por esta marabillosa e ben xeitosa ría para a práctica destes deportes acuáticos.

Pasen por www.cataventos.net para ver as posibles actividades e as impresionantes imaxes que deixa cada xornada de mar. I é que navegar entre golfiños pola ría de Corcubión, polo Cabo Vilán ou debaixo da Moa, calquera paraxe é unha verdadeira marabilla para disfrutar deste bonito deporte.

Máis información

• Blog da Escola de Vela Cataventos.

Fonte

• Redacción.