A plataforma veciñal Merexo Non se Vende está de noraboa. Así o manifesta a nota de prensa que nos enviou onte na que nos informa dunha boa nova para o pobo de Merexo. Reulta que o recurso contencioso administrativo, presentado con motivo da resposta dada pola conselleria de Pesca as nosas alegacións, foi admitido a trámite polo Tribunal Superior de Galicia, para a súa resolución pola vía do contencioso-administrativo

Deste xeito será a señora xustiza a que dé e quite razóns, estando convencidos dende a vila muxiá que esta se colocará do lado do corazón e da dignidade. O recurso, firmado por Ramón Sabin en nome de todos os habitantes de Merexo (ou a inmensa maioría) expón nos 122 folios máis de 1.800 firmas de rexeitamento ao Plan Sectorial de Acuicultura de Galicia e ao seu informe de sostenibilidade ambiental, no tocante á ampliación da piscifactoría actual situada en Merexo. O recurso fóra enviado o 13 de semtembro de 2007. Máis vale tarde que nunca, e se cadra aínda chega a tempo.

Xa avisara aló por marzo, Antonio Devesa, voceiro da Plataforma, ante o silencio da Xunta ás queixas do Valedor, de que a vía xudicial poderái facerse unha realidade. E tanto, Antonio non nos contara todo e un par de meses despois topamos co esta boa nova. Parabéns polo gran traballo.

Novas relacionadas

• O silencio da Xunta ante as queixas do Valedor do Pobo no tocante a Merexo.
• Merexo e a súa riqueza en algas.
• Analizando o proxecto da piscifactoría de Merexo.

Fonte

• Nota de prensa da Plataforma veciñal Merexo Non se Vende.