A UPD Terras de Galicia ofreceu este pasado venres 9 de maio de 2008 unha rolda de prensa na que explicou os avances nos traballos realizados ata o de agora nos dous proxectos de revalorización do patrimonio que están a desenvolver na Ribeira Sacra e na Costa da Morte. O acto estivo presidido polo conselleiro de Traballo, Sr. D. Ricardo Varela e o presidente da Fundación, José María Pérez González "Peridis" nun céntrico hotel de Santiago de Compostela. Tamén contou coa presenza do Director Xeral de emprego, Álvaro Ansias Bacelar, o director da Fundación, Juan Carlos Prieto Vielba e o director da UPD Terras de Galicia, Carlos Álvarez Marcos.

Durante dous anos a UPD desenvolverá o seu traballo preferentemente en dúas bisbarras: a Ribeira Sacra e a Costa dá Morte. Segundo Carlos Álvarez, director da UPD: "Elixíronse estas dúas zonas polo seu enorme portencial. A primeira pola súa especial converxencia de recursos históricos (arte románica), paisaxe e actividade vitivinícola fortemente arraigada, e a segundad por ser unha terra mítica, con grande poder emotivo e cun reclamo gastronómico de indubidable potencial".

Ricardo Varela, conselleiro de Traballo, destacou que "as UPD teñen por obxectivo descubrir as potencialidades de desenvolvemento e emprego do territorio no que se desenvolven, por medio dunha axeitada prospección e avaliación dos recursos ociosos ou infrautilizados da zona". O conselleiro engadiu que "contribúen a achegar o nivel de intervención ao ámbito no cal se desenvolven as diferentes políticas de emplego, e á creación de marcos de participación e coordinación das diferentes administracións e axentes sociais implicados en temas de emprego".

Financiación

A Consellería de Traballo e a Unión Europea, a través do Fondo Social Europeo, cofinancian con máis de 1 millón de euros a UPD Terras de Galicia promovida pola Fundación Santa María la Real - Centro de Estudios do Románico, que ten unha duración de dous anos e conta cun equipo interdisciplinar de 15 persoas.

Obxectivos da UPD

A UPD Terras de Galicia, traballará na promoción, difusión e dinamización do patrimonio cultural galego e servirá de apoio técnico ao resto de programas que se desenvolven na comunidade autónoma. Un dos obxectivos primordiais desta UPD é formular proxectos concretos e perdurables no tempo sobre aquelas actividades, ámbitos ou lugares que poidan ofrecer as mellores perspectivas.

Fundación Santa María del Real

A Fundación Santa María la Real - Centro de Estudios do Románico, foi fundada o 24 de xuño de 1994, con sede no mosteiro de Santa María la Real de Aguilar de Campoo (Palencia). Considérase unha institución iniciadora e promotora dos programas de Escolas Taller xa que o seu antecedente, a Asociación de Amigos do Mosteiro de Aguilar, comezou en 1985 o primeiro destes proxectos a nivel nacional.

A través deles contribúe ao desenvolvemento económico e social mediante a prestación de servizos que favorezan a integración dos diferentes colectivos que conforman cada comunidade:

"Con esta UPD a Fundación quere asentarse en Galicia ofrecendo un modelo de desenvolvemento para que a xente jóven de aquí non teña que emigrar.

O noso obxectivo é poñer en valor as tres "P": persoas, patrimonio e paisaxe. É un modelo que funcionou en Castilla e León e estamos convencidos que a nosa experiencia funcionará en Galicia", asegurou José María Pérez " Peridis" na súa intervención.

Ademais, a Fundación Santa María la Real - CER aumenta a súa presenza en Galicia xa que conta dende outubro cunha delegación en Pontevedra encargada da realización da Enciclopedía do Románico, traballo polo cal recibiron en Castilla e León premios tan importantes como o Europa Nostra 1987 e 2003.

Fonte

• Nota de prensa da Fundación Santa María la Real.