Segundo informa a CIG, e como nos avanzaba a semana pasada Xabier Santos, esta pasada semana prodúxose un novo despido dentro da empresa norueguesa Stolt Sea Farm. En medio dun tedioso proceso de negociación do convenio colectivo que xa leva ano e medio, un veciño de Quilmas (Carnota), con máis de 15 anos de antigüidade, foi despedido sen xustificación algunha. "Baixo rendemento" é o que alega a emrpesa, e non fai falla nada máis para despedir a unha persoa que estaba de baixa médica, causada pola alta tensión laboral que veñen denunciando continuamente os traballadores das piscifactorías.

Quilmas tamén conta coa aprobación do TSXG

A Plataforma pola Defensa do Patrimonio Cultural de Quilmas presentara unha denuncia contra o Plan Acuícola, semellante á realizada pola Plataforma Merexo non se vende, que esta pasada semana recibía a boa noticia de que a proposta foi admitida a trámite polo Tribunal Superior de Xustiza de Galicia, para a súa resolución pola vía do contencioso-administrativo. En Quilmas xa teñen esa notificación dende o pasado 9 de abril de 2008. A denuncia fora presentada por 15 veciños da aldea de Quilmas e agardan que valgan para algo.

Roteiro á Lobeiras

Este pasado sábado si que foi posible chagra ás Lobeiras. Como vemos nestas preciosas imaxes que nos mandan dende a Plataforma pola Defensa do Patrimonio Cultural de Quilmas, unhas 40 persoas mostraban o seu rechazo ao Plan e á piscifactoría de Quilmas no faro das illas. Achegados polo barco da empresa Beceo Finisterre, da man de Fernando Carrilo, os tripulantes da expedición difrutaron dunha xornada encantadora, na que respetou o tempo.

Reunión co Grupo do PSOE sobre a ILP

Varios veciños de Quilmas e doutros puntos da bisbarra, como o é caos de Camelle ou Merexo, coa colaboración de Adega, participarán nunha reunión co Grupo do PSOE sobre o asunto da Iniciativa lexislativa Popular para a protección do litoral galego, co gallo dos devanditos 500 metros. Xa tiveron xuntanzas cos grupos do PP e BNG, que con cadanseu intereseu, mostráronse encantados coa inciativa. A reunión terá lugar no Parlamento de Santiago este mércores 14 de maio de 2008.

Novas relacionadas

• O convenio colectivo da Stol Sea Farm segue sen solucionarse.
• A Xustiza será quen decida se a piscifactoría de Merexo se amplía ou non.
• Quilmas e Adega crean unha ILP para a protección do litoral galego.

Fonte

• Nota de prensa da Plataforma pola Defensa do Patrimonio Cultural de Quilmas.