|
Malpica terá R en breve. O operador galego de telecomunicacións acaba de anunciar que para o mes vindeiro finalizarán as obras ao longo do concello, onde está a instalar dende haio varios días a rede de fibra óptica. Deste xeito, xa dende xuño arredor de 2.400 fogares e establecementos poderán disfrutar de varios dos servizos que ofrece a firma: teléfono (tamén será instalada unha cabina de teléfono no casco urbano), internet de alta velocidade, televisión dixital e móbil. A ver estas liñas que tal funcionan. O alcalde de Malpica, José Ramón Varela Rey, sinalou a importancia desta mellora das infraestruturas, e instou á empresa para aumentar a rede ata o lugar de Seaia. No tocante ao parque industrial de Buño, que está en construción, a empresa analizará a posibilidade de achegar o servizo. Malpica será pois o primeiro concello da Costa da Morte que poderán disfrutar deste novo servizo, polo que agardan impacientemente o resto de concellos da bisbarra. Unha alternativa á oferta de Telefónica pode ser a salvación desta baixa calidade dun servizo que xa levamos sufrindo tempo dabondo. Tan só Ponteceso, cuias obras rematarán a finais deste 2008, e Vimianzo, andan algo máis relaxados. A problemática vimiancesa é curiosa. R achegouse ao concello, dende onde tardaron varios meses en responder. O concello realizou unha proposta de ampliar o servizo a todo concello, incluido o parque industrial, medida que foi aceptada pola compañia. Pois resulta que, a día 13 de maio de 2008, dende a empresa aseguran que están agardando a licencia municipal para comezar as obras. Dende R avisan de que a firma está facendo un serio esforzo por extender o servizo a toda a bisbarra. Dende a parte sur da Costa, agardamos como auga de maio, que este ano estamos tendo demais, a chegada do operador galego. Firme aquí "Polo prezo do ADSL Rural" Novas relacionadas Fonte
|
Semente RSS