O escritor Xoan Babarro pasou onte, xoves 15 de abril de 2008, polos colexios de Os Muiños e Vilarmide de Muxía, convidado pola Asocicion Pedra dos Corvos. Foi esta unha visita moi especial para moitos muxiáns, xa que o escritor foi mestre en Muxía hai moitos anos e marcou a toda unha xeneración de nenos e nenas. Aqueles nenos e nenas son xa adultos pero lembran como con el aficionáronse á lectura e aprenderon a amar a súa lingua. Onte, a asociación Pedra dos Corvos quixo homenaxear a este mestre, quen pasou polas aulas e falou cos fillos e fillas dos que hai anos foron alumnos seus.

Homenaxe a Manuel Balboa

Hoxe, venres 16 de maio de 2008, celébrase no Salón de Actos do Voluntariado a homenaxe ao músico muxián, Manuel Balboa. Coa presentación do libro de Lino Braxe "Diálogo dos mortos e a noite", a asociación quere lembrar a este grande músico. A asociación segue o seu traballo de recuperar o patrimonio cultural muxian, que non podía esquecerse da figura de Balboa. O acto, ás 20:00, estará presentado polo poeta muxián Rivadulla Corcón e intervirán Lino Braxe, o poeta Miguel Mato e a actriz Rebeca Montero.

Fonte

• Nota de prensa da Asociación Pedra dos Corvos, da man de Vicki Rivadulla.