Seguimos amosando eses debuxos dun dos nosos artistas e activistas favoritos no país, o polivalente Sechu Sende, natural de Padrón, pero que a súa universalidade galega fai que estea de actualidade en cada punto do país. Sempre activo coa súa bitácora MadeinGaliza, amósanos debuxos de todos os calibres. Por certo, hoxe pasa Sechu co seu Circo de Pulgas Carruselo por Lugo, a ver se temos algún alcalde que nolo trae pola bisbarra.

Hoxe, coido que podemos falar do perigo nas estradas. E no só das mortes de persoas humanas. Dando unha volta pola bisbarra en bicicleta podes atopar centos de animais mortos nas beiras das estradas. Dende pequenos ourizos, ata raposiños pasando polos máis habituais candelos e gatiños. Difícil é ter coidado con eles, que moitas veces crúzanse sen parar a mirar, ben é certo. O único que podemos facer é ir un pouquiño máis a modo, que por aquí gústanos demais correr.

• O corço no aire.

Debuxos anteriores

• Os debuxos de Sechu (IX): Esquio ou guindastre?.
• Os debuxos de Sechu (VIII): E o sapo dicia Cro, cro.
• Os debuxos de Sechu (VII): A Mantis Religiosa de Méndez Ferrín.
• Os debuxos de Sechu (VI): Sempre en Galiza, Castelao.
• Os debuxos de Sechu (V): O escornabois contra máquina excavadora.
• Os debuxos de Sechu (IV): O cazador cazado.
• O "ourizhome" libre de tranxénicos.
• O Jabalí ceivo.
• O poldro eólico.

Fonte

• Blogoteca Made in Galiza.