Hoxe visitamos o blog do Comité de Empresa do Hospital Virxe da Xunqueira de Cee. É ben noviño, naceu en febreiro deste 2008, pero a súas actividade e singularidade fano moi interesante. A bitácora nace co gallo de manter ben informados a todos os traballadores das novidades que van ocorrendo arredor do hospital. I é que nun centro onde hai tanta xente que non vive na bisbarra e que anda de ariba para abaixo polas estradas do país, un blog informativo destas características é o mellor xeito de estar ao tanto da última.

Falamos ademais dun centro ben problemático, onde as decisións da Dirección moitas veces non compaxinan co pensar do comité. Un centro que xa pasou a formar parte da rede do Sergas, cos conseguintes cambios na estrutura e no persoal que isto implica, sendo xa considerados os case que 230 traballadores como funcionarios.

Queremos felicitar aos membros do comité por esta iniciativa informativa, que de seguro mantén a todos os traballadores do centro ben atentos, así coma ao resta da xente, que podemos enteirarnos das novidades no seo dun centro tan importante como é este hospital para toda a bisbarra.

Bitácoras anteriores

• A bitácora da semana (VII): O Blog da Asociación "Universidade Popular escola de Verao de Corcubión".
• A bitácora da semana (V): Seiruga Limpa.
• A bitácora da semana (IV): Surf na Costa da Morte.
• A bitácora da semana (III): Ouesaro, paranoias dun día normal.
• A bitácora da semana (II): O espacio emocional e literario de Suso Lista, o percebeiro do Roncudo.
• A bitácora da semana: Amis95.

Fonte

• Redacción.