Continúan aparecendo os gañadores dos certames realizados na bisbarra co gallo do Día das Letras Galegas. Se onte amosanbamos os gañadores do V Certame de Relatos Curtos da Asociación Cherinkas, relato do segundo prenio de Rocío Leira incluido, hoxe amosamos os gañadores do Concurso de recollida de tradición oral 2008, organizado polo Concello de Vimianzo, da man do Gabinete de Normalización Lingüística, apoiado xunto cos CEIP San Vicenzo, Baiñas, A Ponte do Porto e Labarta Pose e cos IES Terra de Soneira e Maximino Romero Lema.

Os organizadores destacan a grande calidade e cantidade dos traballos presentados, feito que fixo que o traballo dos membros do xurado resultase complicado. Sinalan tamén que se fixo un traballo de recollida da tradición oral moi completo que abarca practicamente toda a Terra de Soneira, xa que se presentaron moitos traballos que recollen cantigas e lendas dos concellos de Camariñas e Zas.

O futuro do saber popular

O futuro destes traballos non será quedar durmidos nun caixón, dende a Concellaría de Cultura de Vimianzo sinalan que a súa intención e facer unha clasificación e logo a edición dun libro con todos os traballos presentados. Dende aquí, tamén queremos participar para amosar toda esta sabedoría, así que da man do Gabinete de Normalización Lingüística, tentaremos ir ofrencendo por doses os traballos presentados.

Relación de premiados no Concurso de recollida de tradición oral

• CATEGORÍA A:
  - 1º premio: Ana, de CLAUDIA SANTOS CASTRO (Labarta Pose);
  - 2º premio: Ángela bonita, de MARÍA CASTIÑEIRA RODRÍGUEZ (Labarta Pose).
• CATEGORÍA B:
  - 1º premio: Lapideira, de CRISTAL GARCÍA CAAMAÑO (CEIP Baiñas);
  - 2º premio: Carracha, de SABELA ULLOA GARCÍA (Labarta Pose).
  - Premios extraordinarios: a Churrasca, de ALEJANDRA FACAL GONZÁLEZ (Labarta Pose) e a Anto, de ANXO VIGUERET SANTABAYA (Labarta Pose).
• CATEGORÍA C:
  - 1º premio: Carballo, de FÁTIMA SOTO MEIRÁS (A Ponte do Porto);
  - 2º premio: Acuario, de SUSANA CAPELO RODRÍGUEZ (San Vicenzo);
  - Premios extraordinarios: Quico, de LAURA BRAS MIRA (San Vicenzo) e Tana, de ANA BELÉN TAJES MARCOTE (A Ponte do Porto).
• CATEGORÍA D;
  - 1º premio: Burbuja, de XIMENA ROMERO CARRERA (Terra de Soneira).
• CATEGORÍA E:
  - 1º premio: A carón do lume da lareira, de VANESSA VECINO LADO (Terra de Soneira).

Novas relacionadas

• A asociación Cherinkas entrega os premios do V Certame de Relatos Curtos.

Fonte

• Blog do Gabinete de Normalización Lingüística do Concello de Vimianzo.