Fin de festa e fin de temporada para a plantilla baiesa; despois de catro semanas de distintas celebracións, con cenas e comidas fin de semana si e fin de semana tamén, o equipo pon o punto e final a temporada 2007/2008 o sábado 24 de maio de 2008.

Ese día serán recibidos polo alcalde de Zas na Casa do Concello ás 13:30 horas. A directiva, o corpo técnico e os xogadores serán recibidos a esa hora no Concello para posteriormente ir a xantar a un restaurante do concello de Zas. Será o punto e final a unha temporada que supuxo o ascenso de categoría, o paso da liga senior da FGB á 1ª División Nacional, todo un fito para a historia do deporte da Costa da Morte. Unha temporada dura que se iniciaba o trece de agosto e que deixou ó equipo nunha meritoria segunda praza, con vintacatro victorias e seis derrotas nos trinta partidos disputados. A partir de agora toca planificar a temporada 2008/2009, pero iso é outra historia.

Novas relacionadas

• O Agencia AM remata a Liga con vitoria.

Fonte

• Nota de prensa do Clube Baloncesto Baio Agencia AM redactada por Joaquín Moreira.