O conselleiro de Medio Ambiente, Manuel Vázquez, e o alcalde de Dumbría, José Manuel Pequeño, firmaron o pasado luns 26 de maio de 2008 un convenio para acometer as obras da instalación de pantaláns na desembocdura do río Xallas. A administración aportará 148.000 euros.

Segundo informa a consellería, a obra permitirá ordenar o fondeo de pequenas embarcacións dos pescadores da zona, á vez que mellorar a protección medio ambiental desta parte do río Xallas, tendo en conta o interese paisaxístico e natural da zona.

Pequeño cualificou de “moi fructífera” a reunión, en tanto que tamén se falou de abastecemento de auga en Oliveira, Puxantes e Oliveiroa, obras que se prevé que rematen a finais do verán.

Nota de prensa da Consellería de Medio Ambiente

A CONSELLERÍA DE MEDIO AMBIENTE FINANCIARÁ A INSTALACIÓN DE PANTALÁNS NO ÉZARO, NO RÍO XALLAS (A CORUÑA), CUN INVESTIMENTO DE 148.500 EUROS

A Consellería de Medio Ambiente e Desenvolvemento Sostible financiará a instalación de pantaláns no Ézaro, na desembocadura do río Xallas, no concello coruñés de Dumbría. O conselleiro, Manuel Vázquez, e o alcalde de Dumbría, José Manuel Pequeño Castro, asinaron hoxe o convenio de colaboración para a realización da obra, que contará cun investimento de 148.500 euros por parte do departamento autonómico.

A instalación de pantaláns no Ézaro permitirá ordenar o fondeo de pequenas embarcacións dos pescadores da zona, á vez que mellorar a protección medio ambiental desta parte do río Xallas, tendo en conta o interese paisaxístico e natural da zona.

O convenio enmárcase nas actuacións que realiza a Consellería de Medio Ambiente e Desenvolvemento Sostible para a protección, conservación, mellora e recuperación dos recursos naturais nos concellos, e estará vixente ata o vindeiro mes de decembro.

O alcalde de Dumbría cualificou de “moi fructífera” a reunión co conselleiro de Medio Ambiente, na que tamén abordaron outros proxectos que se están a desenvolver no municipio nesta materia, como as obras para abastecemento de auga en Oliveira, Puxantes e Oliveiroa, que están en fase de execución e que, segundo as previsións municipais, estarán rematadas a finais do verán.

Fonte

• Nota de prensa da Consellería de Medio Ambiente.