 Visitamos esta fin de semana o concello de Muxía, e máis concretamente, a preciosa praia de Nemiña, a favorita dos surfistas da Costa da Morte. Disque as ondas deste recuncho son as máis fiables da zona, e por iso, cada sábado é moi fácil atopalos por alí, montados na táboa e na ola. Iso si, os rapaces do Clube de surf Os Tombos argallan cada certo tempo unha xornada de limpeza, como a que realizaban o pasado 3 de maio. Así a praia queda limpa, alomenos, por uns días, porque a día de onte xa había merda para dar e tomar. 
A enorme praia conta cun pequeno castro na marxe esquerda, mentres que pola dereita, servindo de fronteira natural entre os concellos de Muxía e Fisterra, atópase a desembocadura do río Castro, formando a preciosa ría de Lires, con lagoa e praiiñas agochadas incluidas. Cara a fronte, podemos ver nada menos que a praia de Mar do Rostro, outra das favoritas dos surfistas e dos amantes da tranquilidade. Ao carón da praia podemos parar a comer, parando polo restaurante Saburil, unha verdadeira marabilla onde os pratos típicos son os de aquí, onde se conservan tradicións redeiras e onde os cans viven coma reis. Como chegar Dende a estrada AC-552 que une Carbarllo e Fisterra, collemos o desvío cara Muxía que hai na recta de Lobelos, antes de chegar á entrada de Cee (non o de Berdoias, senón o seguinte indo cara Fisterra). Ao chegar ao cruce da Pereiriña temos que coller cara esquerda, cara o cabo Touriñán e cara Casa Valentín (o sinal máis grande). Un pouco máis adiante hai un cartel á esquerda que indica cara a praia de Nemiña, hai que estar atento, pero se o collemos xa non hai perda. E a disfrutar. Novas relacionadas Outros recunchos Vídeos de Francisco Santiago lópez Outros vídeos Fonte
|
Semente RSS