Xa van máis de 15 anos dende que a multinacional norueguesa Stolt Sea Farm aterrou na nosa bisbarra. 15 anos nos que leva cun sitema de augas aberto e sen depuración algunha. Un sistema, xa recriminado pola memoria ambiental da consellería de Medio Ambiente, publicada a semana pasada, e que leva vertindo sen control algún no noso litoral unha morea de materia orgánica (como aquela vertedura na praia de Corna Becerra de Quilmas do 1 de marzo de 2008) ou produtos químicos de limpeza e desinfección, como o hipoclorito sódico ou o formol.

Xa son varias as denuncias, non tantas como deberían ter sido, por suposto, pero a empresa tenta tomar agora cartas no asunto. O pasado 5 de maio de 208 presentaba un escrito perante Augas de Galicias, entidade dependente da consellería de Medio Ambie e Desenvolvemento Sostible da Xunta, polo que solicita autorización para a vertedura dun caudal máximo de 48.943.872 m3/ano de augas residuais industriais ao mar (cunca da Costa de A Coruña entre Corcubión e Muros) e de 1916,29 m3/ano de augas residuais fecais mediante filtración n o terreo procedentes dunha granxa de peixes planos asentada no lugar Quilmas, concello de Carnota. O mesmo ocorre coa granxa de Lira, para a que solicitan un caudal máximo de 138.758.400 m3/ano de augas residuais industriais e de 3.668,25 m3/ano de fecais. E aínda no sabemos que pasa noutros concellos. O asunto das fecais derívase das últimas instalacións de fosas sépticas nas granxas para a depuración das necesidades dos traballadores das plantas.

O documento faise público durante 20 días, co fin de que os que se consideren prexudicados poidan presentar as súas reclamacións. Así o descubriu Xosé Manuel Casais, presidente de Adega-Costa da Morte e da Plataforma pola Defensa do Patrimonio Cultural de Quilmas, que asegurou que estaba no tablón de anuncios baixo outros escritos. Casais móstrase indignado que logo de 15 anos envelenando a costa a empresa solicite regularizar unha actividade ilegal.

Dende ADEGA aseguran que ningunha das 27 piscifactorías presentes no litoral galego contan con permiso de vertedura. Non quedan as aseveracións do colectivo ecoloxista, i é que segundo apuntan, as augas que botan directamente ao mar son 138 veces máis contaminantes que os mínimos legais permitidos.

Todo isto xa o saben a xustiza e a consellería de Pesca, que segue nas súas terce de aprobar o polémico Plan este mesmo mes. Xa hai preparadas varias manifestacións e o litoral galego non vai permitir que isto siga cara adiante. O 8 de xuño, en Santiago, os afectados polo Plan Acuícola uniranse aos que protestan pola planta de Reganosa en Mugardos, e por Quilmas, xa levaron onte, domingo 1 de xuño, por segunda vez, a loita ata as Illas Lobeiras.

Novas relacionadas

• Voltan as mobilizacións contra o Plan Acuícola.
• Editorial: Voltan as mobilizacións contra o Plan.
• A Plataforma de Quimas denuncia a Stolt Sea Farm por vertidos de materia orgánica.
• Denuncia dos vertidos das piscifactoría.

Fonte

• Redacción.
• Galiza-hoxe.com: Stolt solicita o permiso de vertedura para dúas granxas abertas nos 90.