O Departamento de Deportes do Concello de Ponteceso organiza a clausura das Escolas Deportivas Municipais da tempada 2007/2008 para o venres día 6, de xuño a partir das 17 horas no pavillón municipal en Corme. As Escolas Deportivas Municipais agruparon a 236 rapazas e rapaces do concello, repartidos nas modalidades de judo, ximnasia rítmica, patinaxe artística, actividade predeportiva, psicomotricidade, baloncesto, fútbol sala, tenis, tenis de mesa e xadrez.

O programa da clausura inclúe exhibicións das escolas de patinaxe artística, ximnasia rítmica e judo; entrega de medallas ós distintos equipos que participaron nas competicións de deporte escolar, a actuación do Mimo Mago Anyo. Depois de todo esto os nenos e nenas poderán disfrutar dos distintos xogos que instalaremos na pista polideportiva no que non faltarán circuitos de psicomotricidade, tenis de mesa, badminton, indiakas, xogos populares, basket 3x3, balóns xigantes, xadrez, futbolíns, etc... Durante a xornada entregaranse regalos e refrescos para tod@s.

A organización porá a disposición dos participantes unha liña de bus gratuíto que sairá de Pazos ás 16:00h. e recorrerá as parroquias do municipio ata o pavillón municipal e regresará ao remate da clausura, ás 19:45 horas. O Concello de Ponteceso contará coa colaboración de Begano (Coca Cola), Policía Local, Asociación Veciñais, voluntarios/as, ademáis dos/as monitores/as das escolas deportivas. Con esta clausura dase por finalizada a programación de inverno para iniciar a de verán.

Galescola

Xa hai listaxe de admitidos para o curso 2008/2009 da Galescola de Ponteceso. Para os que forman parte da lista estáblécese o prazo de matrícula do 2 ao 13 de xuño ambos os dous incluídos. De non formalizarse a matrícula nas datas sinaladas enténdese que se renuncia á praza. A matrícula pode formalizarse nas instalacións da Galescola en horario de 8:30 a 13:00 horas.

Liga de Tenis

Un ano máis, Tucho gaña a Liga Municipal de Tenis que organiza o Departamento de Deportes do Concello de Ponteceso. A Liga rematou o xoves, no pavillón municipal de Corme coa final entre Tucho e Javier Martínez. O marcador do encontro foi un 2-6, 6-3 e 6-2, e aínda que Javier gañou o primeiro set, finalmente o partido, foi para Tucho.

Fonte

• Nota de prensa do responable de comunicación do Concello de Ponteceso, Óscar Rey Calo.