O alcalde de Mazaricos, José Manuel Santos Maneiro, fala estes días da situación do parque empresarial, que estaba chamado a ser un dos primeiros en abrir pero que se atopa en proceso de bloqueo. Segundo Santos Maneiro, o proxecto está pendente da aprobación do Plan de Sectorización, trámite do que descoñece a duración. Deste xeito o alcade non pode sinalar unha ata de apertura para o parque. Ata que urbanismo autorice, as empresas non poden chegar, xa que aínda non podemos sacar as parcelas, apuntaba o alcalde.

As melloras nos accesos a área industrial do Val están rematadas e mesmo a estación depuradora xa está instalada. Son agora os trámites burocráticos os que manteñen a infraestrutura en pausa.

Obxectivos deste mandato

Santos Maneiro, tras 4 lexislaturas con maioría absoluta ten claros os obxectivos da corporación para estes anos, ademias do máis importante, a apretura do polígono empresarial:

• Mellorar a imaxe do núcleo da Picota;
• Desenvolver o sector turístico, de feito, o concello está integrado dentro do Consorcio e Turismo da Costa da Morte. Para elo, preténdese crear rutas de sendeiismo e áreas de ocio en paraxes naturais, sendo este o turismo que se pode vender, con fervenzas impresionantes, por exemplo a de Nouveira;
• Mellora e mantemento das inraestruturas do sector gandeiro, o máis importante na zona.

Presupostos

Os orzamentos para este 2008 xa están claros. O 75% do presuposto xa ten saída: investimento xa aprobado ou gasto de persoal. Este último apartado é o máis ocnflitivo en tanto que a oposición, votou en contra no último pleno. O gasto no persoal corresponde a un 35% do orzamento do concello.

Fonte

• Radio Nordés.
• La Voz de Galicia: Entrevista ao alcalde de Mazaricos: «Considero que foi un bo ano en canto á busca de apoios para a realización de novos proxectos».
• La Voz de Galicia: Os investimentos e o persoal acaparan o 75% do orzamento de Mazaricos.
• La Voz de Galicia: A reactivación do polígono de Mazaricos segue pendente.