|
A situación do sector pesqueiro na bisbarra está de actualidade. Os indicativos sinalan que falamos do único sector en clara recesión na economía galega, e isto, para a nosa bisbarra non pode ser mirado con ollos de tranquilidade. As asociacións de armadores e a Confederación Española de Pesca (Cepesca) están a convocar protestas ao longo do estado, sendo en Galicia onde o seguimento debería ser maior pola incidencia do sector (o 60% dos barcos e suministros concéntranse en Galicia). Pero, aquí, cando o peto está en xogo, non imos xogarnos nadiña. O alza do gasóleo é a protesta fundamental pero non a única e se cadra tampouco a máis importante. Nunha interesante entrevista en El País, o Presidente de la patronal de armadores palangreros, Francisco Portela, sinala que o meirande problema do sector pesqueiro é o sector loxístico. A distribución, e os márxenes de beneficios das empresas distribuidoras son moito maiores ás dos pescadores. Como é posible que estas regras do mercado permitan á distribución traballar con marxes do 300% cos nosos produtos?, pregúntase Portela. Os armadores solicitan un plan de reaxuste da flota e consideran que o punto máis imporante é que só se venda o peixe legal. Para isto habería que establecer unha regulación do etiquetado, e que na lonxa e saiba que peixe estás a comprar. Seguimento Así, o segumento do amarre na zona está sendo irregular, como nos apunta o secretario da confraría de Lira Emilio Louro, Milucho. A situación económica é mala, pero parar sería irnos a cero. A Federación Galega de Confrarías secundará o paro do día 30 de xuño, pero non a flota de baixura, i é que en Galicia, onde se trablla máis en artes menores e tradicionais, a situación non depende tanto do gasóleo. Así, 87,93% da flota de baixura de Galicia traballaba onte "con normalidade". En Lira, por exemplo, a flota está practicamente parada, porque o polvo está pechado, pero os percebeiros traballan con normalidade. Con todo, a intención é que a partir do 10 de xuño, os 5.272 barcos da flota galega, de altura (van voltando de vagar) e baixura amarren Fonte
|
Semente RSS