|
A radio municipal de Corcubión segue crecendo en contidos e en repercusión. Non só a audiencia aumenta cada día senón que os programas multiplícanse e as iniciativas que promove saen cara adiante. Este é o caso do I concurso de Teatro Lido Radio Neria. Varios colexios da zona entregaron xa os seus traballos, e se ben rematou o prazo, aínda hai unha pequena porta aberta para entregar novos traballos. Cativos na radio Outros colexios non puideron participar do concurso pero non queren quedar sen subir a coñecer o mundo da radio. Así o farán os rapaces do CEIP Praia de Quenxe, que a semana que vén irán pasando pola radio a ler o seu "Conto viaxeiro" e coñecer por dentro como vai isto da radio. Blog e radio por internet Xa podedes visitar o novo blog radioneria.blogspot.com. Dende o blog se poden escoitar os programas da radio, e dende o messenger se poden ver os estudios en directo a través da cámara web. Novo espazo na Radio Neria adicado ás Novas Tecnoloxías e á Sociedade da Información O Concello de Corcubión en colaboración coa Rede de Dinamización da Sociedade da Información e a través das súas dinamizadoras nos concellos de Cee, Corcubión e Muros levan a cabo, todos os martes, un novo espazo radiofónico na Radio Neria: Enrédate nas ondas da Costa. Este é un espazo adicado ás novas tecnoloxías, á Sociedade da Información e Internet, ao software libre, etc. "Enrédate nas ondas da Costa" comezou a súa andaina o pasado 17 de maio, día das Letras Galegas, Día de Internet e Día Mundial das Telecomunicacións e da Sociedade da Información, e continúa cada martes, a partires das 13:30 horas. Os obxectivos deste espazo radiofónico son: - Promover as novas tecnoloxías e o uso do software libre na poboación en xeral.
- Promover a Sociedade da Información, achegando os servizos que ofrecen as aulas coas que conta a Rede de Dinamización na Costa da Morte.
- Difundir a lingua e cultura galegas a través da música e da rede.
Proximamente sumaranse ao proxecto máis persoal dinamizador da Rede de Dinamización da Sociedade da Información: Soraya e Óscar. Que, desde as súas respectivas aulas de Carballo e Camariñas, tratarán de achegarnos as novas máis salientables que se produzan no mundo da Sociedade da Información. O programa misturará a información sobre novas tecnoloxías coa música de diferentes estilos, feita en Galiza. A través dunha caixa de correo electrónico, poderanse facer as achegas musicais de grupos e solistas que queiran dar a coñecer a súa música en toda a Costa a través da Radio Neria:
Este enderezo de correo-e está protexido contra spam bots, necesitas ter o Javascript activado para podelo ver
Animamos á xente para que participe na iniciativa. RDSI A iniciativa da Rede de Dinamización da Sociedade da Información do PEGSI (Plano Estratéxico Galego da Sociedade da Información da Dirección Xeral de Promoción Industrial e da Sociedade da Información) é unha das estratexias fundamentais para o desenvolvemento das políticas de inclusión na S.I. e o desenvolvemento rural. A Rede de Dinamización da Sociedade da Información axudará a levar a cabo actuacións relacionadas co desenvolvemento da actividade económica, empresarial e da implantación dos servizos electrónicos, titorizando a cidadanía con maiores dificultades e proporcionándolles os medios e ferramentas necesarios para poder formar parte activa da Sociedade da Información. A Rede conta con 100 dinamizadores e dinamizadoras, espallados pola xeografía galega en diferentes entidades, que desenvolven charlas, obradoiros e cursos de alfabetización dixital e outros de moi variada temática, adaptándose ás diferentes necesidades dos colectivos sociais tales como mulleres, persoas maiores, persoas con discapacidade, xuventude, asociacións e empresas. Para máis información sobre o proxecto pódese acudir ao portal web da Rede de Dinamización da Sociedade da Información: dinamiza.sociedadedainformacion.eu. Novo obradoiro A dinamizadora da vila corcubionesa, Ana María, informa de que está aberto o prazo de inscrición para o segundo obradoiro "Creación dunha conta de correo" na aula de Corcubión, previsto o seu comezo a partir do martes día 10 ata o xoves e en horario de mañá, de 6 horas de duración. Novas relacionadas Máis información Fonte - Nota de prensa das dinamizadoras da sociedade da información da bisbarra.
|
Semente RSS