|
A Asociación Universidade Popular de Corcubión, informa da celebración, o vindeiro venres 13 de xuño, da Festa Solidaria suspendida hai dúas semanas por mor da choiva. Esta festa está integrada dentro do I Maio Solidario de Corcubión, organizado pola Universidade Popular de Corcubión xunto coa Dirección Xeral de Xuventude e Solidariedade, nela colabora tamén o Concello de Corcubión. A I Festa Solidaria correrá, pois, a cargo dos grupos Aló Djangó e Os Chiquilicuatres e dará comezo as 21:30. Aló Djangó O que nun comezo naceu como un concerto-cabaret centrado nas guitarras de swing e as súas figuras, Aló Djangó converteuse nun grupo taller que quere resucitar ese jazz que se bailaba e cantaba nas pistas de baile. Todo cun claro sabor de homenaxe a un dos grandes da música, Django Reindhart. Aquí podemos velos en concerto.
Os Chiquilicuatres Os Chiquilicuatres nace como proxecto musical, motor e medio de transporte para tres músicos na procura de formación e contacto con outras culturas. Nas súas viaxes é onde se desenvolve o seu crecemento, e polo tanto onde se mesturan os camiños da súa música.
Os Chiquilicuatres vístense co que levan posto e arróupanse co que atopan no camiño, buscando outras xentes con quen falar. A música como linguaxe universal, como única lingua que non precisa da violencia pra se comunicar. Unha mestura de ritmos e melodías que parten de Galicia e percorren diferentes lugares na procura da festa. Máis información Fonte
|
Semente RSS