Xa temos a nosa disposición as actividades deportivas que o concello de Cee levará a cabo durante este verán do 2008. O departamento de deportes da Delegación Municipal de Educación, Cultura e Deporte, que dirixe Jesús Garea, presentaba onte, mércores 11 de xuño de 2008, a Programación Deportiva Municipal "Verán 2008·.

Trátase dun amplo e variado programa de actividades lúdico-deportivas onde as ”estrela” son as relacionadas co ámbito náutico-deportivo e ao aire libre, potenciando a vela, o piragüismo... Na realización e diseño da programación intentouse ofertar actividades, cursos, xornadas, etc. que foran dirixidas a toda a poboación. Estas serán as actividades:

• ACTIVIDADES MULTIDEPORTIVAS INFANTÍS (23 e 31 xuño e 14 e 28 xullo): haberá baloncesto 3x3, tenis... para nenos de 8 a 14 anos.
• ACTIVIDADES LÚDICO-DEPORTVAS NAS PARROQUIAS DE BRENS e AMEIXENDA (25 xuño e 2, 9, 16, 23 e 30 xullo). Os cativos de entre 5 e 14 anos xogarán nos pavillón de Bren e na pista de Ameixenda entre ás 11:00 e a 13:00.
• DÍA DA BICICLETA (domingo 29 de xuño); todo concello está invitado a participar. A saída realizarase ás 11:00 e o paseo xixloturista rematará con agasallos para todos.
• XORNADAS DE XOGOS POPULARES NA PRAIA DA CONCHA (27 de xuño, e 4 e 8 de xullo); para nenos de 6 a 14 anos.
• CAMPAMENTO DEPORTIVO “CALVO SOTELO” DEPUTACIÓN CEE VERÁN 2008 (do 6 ao 12 de xullo); hai 7 prazas para nenos de 9 a 13 anos, que irán á Coruña a gozar dunha variada oferta de disciplinas deportivas coo glof, vela tenis, voleipraia.... Acota é de 85 e as inscricións hai que realizalas hoxe, 12 de xuño, como último día.
• CURSO DE VELA LIXEIRA (do 7 ao 11 de xullo); está destinado aos cativos de 8 a 14 anos; as actividades desenvolveranse na praia da Concha polas mañás e o prazo de inscrición remata o martes 1 de xullo (16 euros de cota).
• I DÍA DO DEPORTE ALTERNATIVO (sábado 12 de xullo); con minifútbol, ultimate, skatch-ball... para toda a poboación no paseo Pepe Sanchez ao longo de todo o día.
• CURSO DE PIRAGÜISMO-KAYAK MAR (do 21 ao 24 de xullo); para rpaces de 8 a 16 anos; na praia da Concha. A cota é de 15 euros e a inscrición hai que cubrila antes do xoves 17 de xuño.
• CLÍNIC DE CICLISMO (sábado 26 de xullo); toda a poboación poderá aprender sobre as técnicas de condución, reparación, normas de circulación, alén de practicar os novos coñecementos nun circuito. Haberá tamén un sorteo de material ciclista.
• CAMPUS DE FÚTBOL DEPUTACIÓN CEE VERÁN 2008 (do 13 ao 19 de xullo). Os nenos de 9 a 13 anos poden participar neste curso que se desenvolverá nas instalacións da Torre, na Coruña e en A Cea da Ma (Culleredo). A inscrciión é e 75 euros e o prazo remata o venres 19 de xuño.

Inscricións

A inscrición para todas as actividades (agás o curso de vela, o campus de fútbol da deputación, o curso de piragüismo e o campamento de Calvo Sotelo da Coruña que remata hoxe o prazo) é de balde e hai que apuntarse na Delegación de Educación, Cultura e Deporte do concello ou ben chamando ao 981 745 100.

Fonte

• Nota de prensa do Dpto. de Deportes do Concello de Cee, da man de Manolo Calo.