Algo corporativistas tamén hai que ser de vez en cando, e mais cando a propia empresa traballa así de ben. Hoxe quedámonos por Corcubión para amosar un pouco o traballo da casa que crea da vida a este diario. A empresa Galinus vén sendo un referente mundial, e digo ben, no campo da usabilidade, un concepto que define a comodidade e a eficacia dunha páxina web.

Pero o seu traballo non fica na rede e en facilitar a utilización do mundo submariño, senón que a súa involucración coa bisbarra é total. Aí están, por exemplo, realizando unha colaboración coa Radio Nordés, na que cada luns, cara ás 13:20, Xabier Calaza e a súa Aranheira tráennos "a cara amable das novas tecnoloxías".

No Galinheiro, os membros de Galinus dan un repaso a actualidade internáutica mundial, ao tempo que comezan con camañas creativas para o noso país. E aí está ese sinal de perigo coa Semiótica: perigo! senhoras vestidas de negro na calçada. Anden a modo e miren ben, que as señoras agáchanse tras da farolas e aparecen cando menos o esperas, e non as ves!.

Bitácoras anteriores

• A bitácora da semana (XI): Merexo non se vende.
• A bitácora da semana (X): O blog dos Veteranos de Cabana.
• A bitácora da semana (IX): A bitácora da Plataforma pola Defensa do Patrimonio Cultural de Quilmas.
• A bitácora da semana (VIII): A bitácora do Comité de Empresa do Hospital Virxe da Xunqueira de Cee.
• A bitácora da semana (VII): O Blog da Asociación "Universidade Popular escola de Verao de Corcubión".
• A bitácora da semana (VI): Blog do Gabinete de Normalización Lingüística de Vimianzo.
• A bitácora da semana (V): Seiruga Limpa.
• A bitácora da semana (IV): Surf na Costa da Morte.
• A bitácora da semana (III): Ouesaro, paranoias dun día normal.
• A bitácora da semana (II): O espacio emocional e literario de Suso Lista, o percebeiro do Roncudo.
• A bitácora da semana: Amis95.

Fonte

• Redacción.