Emilio Louro, Milucho, o secretario da Confraría de Pescadores de Lira, participará na Expo Zaragoza 2008. Alí explicará o proxecto da reserva mariña de Lira, única no país, que tanta repercusión está a levar a nivel local, estatal e mesmo, internacional. Milucho repasará os resultados dos últimos anos de vida que ten a reserva, que nacera no 2003.

Son moitas as peculiaridades que fan da reserva unha iniciativa merecedora de premios de todo tipo, pero o que cómpre salientar é a xestión particular que realizan os mesmos pescadores, i é que a dignificación da profesión é un dos puntos nos que a reserva e o proxecto íntegro de MardeLira máis fincapé fai.

MardeLira vende ourizo

A cooperativa MardeLira xa ten outro proxecto máis. A recollida do ourizo remataba a semana pasada e as mulleres da cooperativa argallan medios para sacar o produto ao mercado. O proceso parte da limpeza do ourizo para logo extraer as gónadas, que logo se venderán ás fábricas de transformación. Este ano serán 90 os quilos comercializados.

A cooperativa ten a intención de pechar o proceso produtivo e ser capaz de realizar todos os pasos dende a colleita ata a venta directa ao público, evitando así deixar cartos polos intermediarios. Así o envasado de marca propia e mesmo a paertura dunha tenda non están lonxe das miras da confraría.

Novas relacionadas

• Mardelira gaña o premio Agader.

Fonte

• La Voz de Galicia: A Confraría de Lira explicará na Expo de Zaragoza o deseño da reserva mariña Os Miñarzos.
• La Voz de Galicia: Mardelira inicia o proceso de venda de gónadas de ourizo.