O porto deportivo de Corcubión xa ten data. O Presidente de Portos de Galicia, Jacinto Parga, apuntou onte, martes 17 de xuño de 2008, que o 2015 será, en principio, o ano da súa apertura. Parga, durante a súa visita á vila corcubionesa, lembrou que se trata dun proxecto a medio prazo, logo do baile de números que rodean ao porto dende o seu anuncio.

Os amarres contarán cun total de 310 amarres para embracacións deportivas, que se complementarán coa mariña seca que se construirá no peirao de Brens, prevista para o 2010, como lembraba o alcalde de Corcubión, Francisco Lema.

Parga mostrouse optimista sobre os prazos da obra e asegurou que fará o necesario para axilizar os trámites pertinentes. Así e todo, o presidente de Portos sinalou que as obras non só dependen do seu departamento, e que as obras dependes de outros entes. Esta actitude débese á unanimidade existente en todos os colectivos do Concello.

Plan de saneamento

O pasado luns, a corporación municipal de Corcubión acordaba, nun pleno extraordinario, a aprobación dun plan de saneamento da vila corcubionesa. O BNG foi o único que puña condicións, pedindo que as obras non supoñan un incremento das taxas dos corcubioneses. O alcalde, Francisco Lema, Chisco, respondía que as únicas subidas serán as que sufran a nivel galego ou español. Onte podíamos comprobar como hai traballo dabondo para solucionar o problema das fecais na ría.

Novas relacionadas

• A Fiscalía confirma a contaminación da ría de Corcubión e emite un informe ao xulgado.

Fonte

• Diario de Bergantiños: "El Presidente de Portos de Galicia sitúa el año 2015 como fecha en la que el puerto deportivo de Corcubión estará operativo", da man de Manuel Sambade.
• Radio Nordés.