Este viernes 20 de xuño, a partir das 23:00 no agarimoso Bar Rodín, terá lugar un evento moi especial. O blues encherá de maxia o bar, que como sempre que tocan estes artistas, énchese de público para disfrutar destas músicas non tan habituais a día de hoxe na bisbarra. Membros da banda Baking Blues de Compostela, acompañados de outros músicos da bisbarra, entre eles algún alumno da escola de música de Cee, farán da noite do venres unha jam session, ou o que vén sendo o mesmo, unha repichoca bluseira.

O par de figuras que supoñen Javi Turnes e Rafa Mississipi, ambos profesores de secundaria (que sorte teñen estes rapaces de Cee), xa deixaron a súa pegada na Radio Neria, no impresionante programa que presenta o filósofo Turnes, "Pensar e soar" (mércores ás 23:00 e xoves ás 23:30 no 107.8 da FM), e no que ambos deixaron constancia de que levan, malia ser blancos, o blues nas venas. Poñede hoxe ou mañá a 107.8 cara a noite e poderedes disfrutar dun concertazo deste par de figuras, e visitade a bitácora da Radio Neria para ver a voz e guitarra de Javi e a impresionante armónica de Rafa Mississipi, tocándonos Ophelia. Non perdades a cita do venres e a disfrutar do blues forneado destes artistas.

Novas relacionadas

• Exposición e música no café Rodín de Cee.
• Na procura da canción do verán.
• Corcubión musical.
• A praia de Valarés acolle unha noite de música moi especial.

Fonte

• Blog da Radio Neria: Grabación de "Pensar e Soar" Homenaxe especial ao blues.