Seica os murais están de moda pola bisbarra. Logo da bonita inciativa que realizaba Lar a semana pasada, desta volta é o Gabinete de Normalización Lingüísitca do Concello de Vimianzo o que presentou unha campaña denominada "Murais pola lingua". A actividade está destinada a rapaces e rapazas de entre 12 e 17 anos que terán que xuntarse en parellas e deseñar e pintar un mural sobre o galego. A parella gañadora obterá a inscrición de balde no Campamento urbano ou no Campamento de verán.

Inscricións

Os interesados poden anotarse no Servizo de Cultura e Deportes ata o vindeiro día 27 de xuño. A actividade desenvolverase entre o 30 de xuño e o 4 de xullo. As bases de convocatoria completas poden atopalas en www.vimianzo.es/lingua.

Novas relacionadas

• O certame de murais de azulexo deixa premios a catro dos sete participantes.

Fonte

• Nota de prensa do Gabinete de Normalización Lingüísitca do Concello de Vimianzo, da man de Xosé B. Alborés.