Blues no Rodín

Hoxe venres, o agarimoso Bar Rodín de Cee acolle un espectáculo sen igual. Javi Turnes, Rafa Mississipi e os seus discípulos, alén doutros invitados, farán da noite unha homenaxe á música de raíces. Non o perdan, ás 23:00 horas, no Rodín, diante do concello de Cee. Na foto a Turnes e a Rafa na Radio Neria, ofrecendo un concertazo.

• O blues volve á bisbarra.

Festival no Centro Social de Cee

Hoxe venres, dende ás 20:15, comeza o festival de fin de curso do Centro Social de Cee. Tocarán os grupos "Mortos de fame" e "A voda de Esganarello", de Brens, que repatirán o sábado. O domingo haberá folk, coas pandereteiras de Cee e Corcubión, o grupo de música e baile do centro social ceense e a agrupación A Ponte Vella de Reis (Teo).

Cine de Corme

Como cada venres, ás 22:00, o taller da Asocciación de Veciños Eduardo Pondal poderemos ver un deses filmes de época que tanto nos gustan. Este xuño estamos con Gardel e hoxe poderemos ver Tango Bar, que Jonh Reindhart realizara en 1935. Laura Montalván acompaña ao artista.

Maxia en Corme

A Asociación Cultural Río Anllóns de Corme acollerá hoxe venres "Segredos dun meigo", do ilusionista Chrystyan Magic, con maxia e millerios de trucos.

Festas do Santo Hadrián en Malpica

O venres comezarán a troula da man da orquestra América S.L. Para o sábado xa teremos pasarrúas, sesión vermú con Trova, que repetirá na verbena acompañada de Trovadores. Xa o domingo a verbena correrá a cargo da orquestra Príncipes.

ConVdevalarés

O sábado pintan bastos en Ponteceso. A pequena e fermosa praia de Valarés acolle un festival de rock, pop e jazz moi singular. A 5ª edición deste convdevalarés traerá a grupos como os granadinos Niños Mutantes, os coruñeses Meu, os Jazz Sac Noir ou os The Cricket. Case nada ao aparato.

Máis información en convdevalares.com.

• A praia de Valarés acolle unha noite de música moi especial.

I Gran Festival de Baile Multiestilos en Corcubión

O sábado 21 de xuño haberá I Gran Festival de Baile Multiestilos. Terá lugar tamén no pavillón corcubiones, e durará mañá e tarde. Haberá exhibicións e clases de iniciación de Danza do Vientre, baile de salón, hip-hop ou capoeira. Xa pola noitiña, ás 20:00 a Casa da Cultura acollerá o Gran Festival Exhibición. A entrada é de balde.

III Xornadas de Pesca O Pindo 2008

A Confraria de Pescadores de O Pindo, Carnota, organiza por terceiro ano consecutivo unhas xornadas sobre pesca. Así, as III Xornadas de Pesca O Pindo 2008 desenvolveránse os vindeiros dias 20, 21 e 22 de xuño.

• Programa das III Xornadas de Pesca O Pindo 2008.

San Xoán en Olveira

A parroquia corcubionesa de Olveira organiza unha festa especial este sábado 21 por mor do San Xoán. Atísbase máxica.

 San Xoán 08 de Fisterra

O venres comezan as actividades co gallo do San Xoán en Fisterra. O peirao convertirase na sala de festas do Xabarín a partir das 22:00 para deleite de pequenos, e dos non tanto que poderemso lembrar toda unha infancia feliz. Para o sábado 21, a partir das 24:00, a praia da Langosteira convertirase nunha rave. A III Festa da Xuventude, trae a discoteca móbil, que funcionará durante toda a noite e non faltará o chiringuito das hamburguesas e os refrescos.

Feira do Pan

A I Feira do Pan de Ponteceso ten lugar este sábado 21. A Festa será o acto inaugural do que vai ser a nova Feira da Trabe, que engalalanará o concello durante todos os sábados dende o vindeiro. A festa está encadrada nas actividades paralelas que a Asociación de Empresarios de Ponteceso, xunto con membros dos tres grupos políticos, están a organizar. Os bares darán pinchos de balde.

• Feira do Pan de Ponteceso.

Cea solidaria en Corme

A Asociación de Veciños Eduardo Pondal de Corme propúxolle a Norte-Sur organizar unha cea o vindeiro sábado 21 de xuño, sábado. O presidente da organización, Francisco Pombo, como cormelán de nacemento, está moi satisfeito co apoio. O acto celebrarase no restaurante Miramar da localidade pontecesá. A intención e seguir promocionando a labor deste colectivo solidario.

Xacarandaina en Corcubión

Dentro do progama Vai de Camiño da S.A. de Xestión do Plan Xacobeo (Xunta de Galiza) terá lugar o 22 de xuño, ás 22:00h, no Pavillón Municipal de Deportes de Corcubión a representación a cargo de Xacarandaina da obra , espectáculo de música e baile tradicional, co que se pretende dignificar unha das rexións do país máis interesantes: a Costa da Morte. Neste espectáculo móstranse bailes, danzas, cancións, músicas, traxes e tradicións que conforman no seu conxunto un ciclo do ano nesta terra, abranxendo todos os seus aspectos na súas multiples manifestacións e ensinando a riqueza e variedade dunha cultura milenaria, con fondas raices, que índa pervive nas súas esencias.

Fonte

• Redacción.